बहुत शिद्दत से जो क़ाएम हुआ था
वो रिश्ता हम में शायद झूट का था
मोहब्बत ने अकेला कर दिया है
मैं अपनी ज़ात में इक क़ाफ़िला था
मिरी आँखों में बारिश की घुटन थी
तुम्हारे पाँव बादल चूमता था
तुम्हारी ही गली का वाक़िआ' है
मैं पहली बार जब तन्हा हुआ था
खुजूरों के दरख़्तों से भी ऊँचा
मिरे दिल में तुम्हारा मर्तबा था
मोहब्बत इस लिए भी की गई थी
हमारा शे'र कहना मसअला था
मुझे इक फूल ने समझाई दुनिया
जो तेरे सब्ज़ बाग़ों में खिला था
ज़ुहूर-ए-आदम-ओ-हव्वा से पहले
हमारे वास्ते सब कुछ नया था
ज़मीं पर जब ज़मीनी मसअले थे
तो बारिश भी मुकम्मल वाक़िआ' था
क़दम उठने में कितनी बरकतें थीं
और उन हाथों में कैसा ज़ाइक़ा था
फिर इस के बा'द रस्ते मर गए थे
मैं बस इक साँस लेने को रुका था
bahut shiddat se jo qaa.em huā thā
vo rishta ham meñ shāyad jhuuT kā thā
mohabbat ne akelā kar diyā hai
maiñ apnī zaat meñ ik qāfila thā
mirī āñkhoñ meñ bārish kī ghuTan thī
tumhāre paañv bādal chūmtā thā
tumhārī hī galī kā vāqi.a hai
maiñ pahlī baar jab tanhā huā thā
khujūroñ ke daraḳhtoñ se bhī ūñchā
mire dil meñ tumhārā martaba thā
mohabbat is liye bhī kī ga.ī thī
hamārā sher kahnā mas.ala thā
mujhe ik phuul ne samjhā.ī duniyā
jo tere sabz bāġhoñ meñ khilā thā
zuhūr-e-ādam-o-havvā se pahle
hamāre vāste sab kuchh nayā thā
zamīñ par jab zamīnī mas.ale the
to bārish bhī mukammal vāqi.a thā
qadam uThne meñ kitnī barkateñ thiiñ
aur un hāthoñ meñ kaisā zā.iqa thā
phir is ke ba.ad raste mar ga.e the
maiñ bas ik saañs lene ko rukā thā
بہت شدت سے جو قائم ہوا تھا
وہ رشتہ ہم میں شاید جھوٹ کا تھا
محبت نے اکیلا کر دیا ہے
میں اپنی ذات میں اک قافلہ تھا
مری آنکھوں میں بارش کی گھٹن تھی
تمہارے پاؤں بادل چومتا تھا
تمہاری ہی گلی کا واقعہ ہے
میں پہلی بار جب تنہا ہوا تھا
کھجوروں کے درختوں سے بھی اونچا
مرے دل میں تمہارا مرتبہ تھا
محبت اس لئے بھی کی گئی تھی
ہمارا شعر کہنا مسئلہ تھا
مجھے اک پھول نے سمجھائی دنیا
جو تیرے سبز باغوں میں کھلا تھا
ظہور آدم و حوا سے پہلے
ہمارے واسطے سب کچھ نیا تھا
زمیں پر جب زمینی مسئلے تھے
تو بارش بھی مکمل واقعہ تھا
قدم اٹھنے میں کتنی برکتیں تھیں
اور ان ہاتھوں میں کیسا ذائقہ تھا
پھر اس کے بعد رستے مر گئے تھے
میں بس اک سانس لینے کو رکا تھا