बातों से तेरी बात की ख़ुशबू निकल पड़े
पहचान का कहीं कोई पहलू निकल पड़े
कम-कम कहूँ मैं शेर सुनाऊँ बहुत ही कम
क्या जो किसी ग़ज़ल से कभी तू निकल पड़े
बोसा कहा था आप ने अबरू चढ़ा लिए
इतनी ज़रा सी बात पे चाक़ू निकल पड़े
इस बार उस ने आप से तुम कह दिया हमें
ऐसी ख़ुशी कि आँख से आँसू निकल पड़े
कहते हैं रौशनी की हिफ़ाज़त करेंगे हम
सूरज की देख-भाल को जुगनू निकल पड़े
कानों में रस थी घोलती संतों की बानीयाँ
त्रिशूल ले के आज के साधू निकल पड़े
इफ़्लास के लिबास में ये बात है अगर
शाहाना आन-बान से उर्दू निकल पड़े
जब दीन की मदद को पुकारा गया 'हफ़ीज़'
फाँका न अपने हाथ का सत्तू निकल पड़े
bātoñ se terī baat kī ḳhushbū nikal paḌe
pahchān kā kahīñ koī pahlū nikal paḌe
kam-kam kahūñ maiñ sher sunā.ūñ bahut hī kam
kyā jo kisī ġhazal se kabhī tū nikal paḌe
bosa kahā thā aap ne abrū chaḌhā liye
itnī zarā sī baat pe chāqū nikal paḌe
is baar us ne aap se tum kah diyā hameñ
aisī ḳhushī ki aañkh se aañsū nikal paḌe
kahte haiñ raushnī kī hifāzat kareñge ham
sūraj kī dekh-bhāl ko jugnū nikal paḌe
kānoñ meñ ras thī gholtī santoñ kī bāniyāñ
tirshūl le ke aaj ke sādhū nikal paḌe
iflās ke libās meñ ye baat hai agar
shāhāna ān-bān se urdu nikal paḌe
jab diin kī madad ko pukārā gayā 'hafīz'
phāñkā na apne haath kā sattū nikal paḌe
باتوں سے تیری بات کی خوشبو نکل پڑے
پہچان کا کہیں کوئی پہلو نکل پڑے
کم کم کہوں میں شعر سناؤں بہت ہی کم
کیا جو کسی غزل سے کبھی تو نکل پڑے
بوسہ کہا تھا آپ نے ابرو چڑھا لئے
اتنی ذرا سی بات پہ چاقو نکل پڑے
اس بار اس نے آپ سے تم کہہ دیا ہمیں
ایسی خوشی کہ آنکھ سے آنسو نکل پڑے
کہتے ہیں روشنی کی حفاظت کریں گے ہم
سورج کی دیکھ بھال کو جگنو نکل پڑے
کانوں میں رس تھی گھولتی سنتوں کی بانیاں
ترشول لے کے آج کے سادھو نکل پڑے
افلاس کے لباس میں یہ بات ہے اگر
شاہانہ آن بان سے اردو نکل پڑے
جب دین کی مدد کو پکارا گیا حفیظؔ
پھانکا نہ اپنے ہاتھ کا ستو نکل پڑے