बात की बात रहे बात का मफ़्हूम रहे
और तख़य्युल मिरा ताज़ा रहे मा'सूम रहे
हर नई सोच को मज़मून बना लूँगा मगर
मेरा किरदार मिरी ज़ात से मौसूम रहे
मेरी पहचान के सब लोग जुदा होते गए
जो बचे मेरी तरह बेबस-ओ-मज़लूम रहे
आज तक बनते रहे हैं जो हमारे ज़ामिन
उन से हम हाथ मिलाने से भी महरूम रहे
अब तो बस ख़ुद ही सुना करते हैं अपनी आवाज़
आप के क़दमों की आहट से भी महरूम रहे
baat kī baat rahe baat kā mafhūm rahe
aur taḳhayyul mirā taaza rahe ma.asūm rahe
har na.ī soch ko mazmūn banā lūñgā magar
merā kirdār mirī zaat se mausūm rahe
merī pahchān ke sab log judā hote ga.e
jo bache merī tarah bebas-o-mazlūm rahe
aaj tak bante rahe haiñ jo hamāre zāmin
un se ham haath milāne se bhī mahrūm rahe
ab to bas ḳhud hī sunā karte haiñ apnī āvāz
aap ke qadmoñ kī aahaT se bhī mahrūm rahe
بات کی بات رہے بات کا مفہوم رہے
اور تخیل مرا تازہ رہے معصوم رہے
ہر نئی سوچ کو مضمون بنا لوں گا مگر
میرا کردار مری ذات سے موسوم رہے
میری پہچان کے سب لوگ جدا ہوتے گئے
جو بچے میری طرح بے بس و مظلوم رہے
آج تک بنتے رہے ہیں جو ہمارے ضامن
ان سے ہم ہاتھ ملانے سے بھی محروم رہے
اب تو بس خود ہی سنا کرتے ہیں اپنی آواز
آپ کے قدموں کی آہٹ سے بھی محروم رہے