बारिश में अहद तोड़ के गर मय-कशी हुई
तौबा मरी फिरेगी कहाँ भीगती हुई
पेश आए लाख रंज अगर इक ख़ुशी हुई
परवर-दिगार ये भी कोई ज़िंदगी हुई
अच्छा तो दोनों वक़्त मिले कोसिए हुज़ूर
फिर भी मरीज़-ए-ग़म की अगर ज़िंदगी हुई
ऐ अंदलीब अपने नशेमन की ख़ैर माँग
बिजली गई है सू-ए-चमन देखती हुई
देखो चराग़-ए-क़ब्र उसे क्या जवाब दे
आएगी शाम-ए-हिज्र मुझे पूछती हुई
क़ासिद उन्हीं को जा के दिया था हमारा ख़त
वो मिल गए थे उन से कोई बात भी हुई?
जब तक कि तेरी बज़्म में चलता रहेगा जाम
साक़ी रहेगी गर्दिश-ए-दौराँ रुकी हुई
माना कि उन से रात का वा'दा है ऐ 'क़मर'
कैसे वो आ सकेंगे अगर चाँदनी हुई
bārish meñ ahd toḌ ke gar mai-kashī huī
tauba marī phiregī kahāñ bhīgtī huī
pesh aa.e laakh ranj agar ik ḳhushī huī
parvardigār ye bhī koī zindagī huī
achchhā to donoñ vaqt mile kosiye huzūr
phir bhī marīz-e-ġham kī agar zindagī huī
ai andalīb apne nasheman kī ḳhair maañg
bijlī ga.ī hai sū-e-chaman dekhtī huī
dekho charāġh-e-qabr use kyā javāb de
aa.egī shām-e-hijr mujhe pūchhtī huī
qāsid unhīñ ko jā ke diyā thā hamārā ḳhat
vo mil ga.e the un se koī baat bhī huii?
jab tak ki terī bazm meñ chaltā rahegā jaam
saaqī rahegī gardish-e-daurāñ rukī huī
maanā ki un se raat kā va.ada hai ai 'qamar'
kaise vo aa sakeñge agar chāñdnī huī
بارش میں عہد توڑ کے گر مے کشی ہوئی
توبہ مری پھرے گی کہاں بھیگتی ہوئی
پیش آئے لاکھ رنج اگر اک خوشی ہوئی
پروردگار یہ بھی کوئی زندگی ہوئی
اچھا تو دونوں وقت ملے کوسیئے حضور
پھر بھی مریض غم کی اگر زندگی ہوئی
اے عندلیب اپنے نشیمن کی خیر مانگ
بجلی گئی ہے سوئے چمن دیکھتی ہوئی
دیکھو چراغ قبر اسے کیا جواب دے
آئے گی شام ہجر مجھے پوچھتی ہوئی
قاصد انہیں کو جا کے دیا تھا ہمارا خط
وہ مل گئے تھے ان سے کوئی بات بھی ہوئی؟
جب تک کہ تیری بزم میں چلتا رہے گا جام
ساقی رہے گی گردش دوراں رکی ہوئی
مانا کہ ان سے رات کا وعدہ ہے اے قمرؔ
کیسے وہ آ سکیں گے اگر چاندنی ہوئی