बाक़ी जो लोग हैं कहीं होते
शह्र में बस तुम्हीं मकीं होते
रास्ते सब अगर हसीं होते
फ़ासले पैदा ही नहीं होते
हाए वो आसमान भी क्या था
मैं ने देखा जिसे ज़मीं होते
तू ही तू है तिरी कहानी में
काश हम भी कहीं कहीं होते
ये सुतून आँधियों में क्यों गिरते
गर ज़रा और तह-ए-ज़मीं होते
बस में होती जो गर्दिश-ए-दौराँ
तुम जहाँ होते हम वहीं होते
प्यार क्या सिर्फ़ जी-हुज़ूरी है
आप नाराज़ क्यों नहीं होते
फूल इतरा रहे हैं ख़ुश्बू पर
काश तुम भी यहीं कहीं होते
ये भी सच है कि रू-ब-रू तेरे
हम जो होते हैं वो नहीं होते
baaqī jo log haiñ kahīñ hote
shahr meñ bas tumhīñ makīñ hote
rāste sab agar hasīñ hote
fāsle paidā hī nahīñ hote
haa.e vo āsmān bhī kyā thā
maiñ ne dekhā jise zamīñ hote
tū hī tū hai tirī kahānī meñ
kaash ham bhī kahīñ kahīñ hote
ye sutūn āñdhiyoñ meñ kyoñ girte
gar zarā aur tah-e-zamīñ hote
bas meñ hotī jo gardish-e-daurāñ
tum jahāñ hote ham vahīñ hote
pyaar kyā sirf jī-huzūrī hai
aap nārāz kyoñ nahīñ hote
phuul itrā rahe haiñ ḳhushbū par
kaash tum bhī yahīñ kahīñ hote
ye bhī sach hai ki rū-barū tere
ham jo hote haiñ vo nahīñ hote
باقی جو لوگ ہیں کہیں ہوتے
شہر میں بس تمہیں مکیں ہوتے
راستے سب اگر حسیں ہوتے
فاصلے پیدا ہی نہیں ہوتے
ہائے وہ آسمان بھی کیا تھا
میں نے دیکھا جسے زمیں ہوتے
تو ہی تو ہے تری کہانی میں
کاش ہم بھی کہیں کہیں ہوتے
یہ ستون آندھیوں میں کیوں گرتے
گر ذرا اور تہ زمیں ہوتے
بس میں ہوتی جو گردش دوراں
تم جہاں ہوتے ہم وہیں ہوتے
پیار کیا صرف جی حضوری ہے
آپ ناراض کیوں نہیں ہوتے
پھول اترا رہے ہیں خوشبو پر
کاش تم بھی یہیں کہیں ہوتے
یہ بھی سچ ہے کہ روبرو تیرے
ہم جو ہوتے ہیں وہ نہیں ہوتے