ब-जुज़ तुम्हारे किसी से कोई सवाल नहीं
कि जैसे सारे ज़माने से बोल-चाल नहीं
ये सोचता हूँ कि तू क्यूँ नज़र नहीं आता
मिरी निगाह नहीं या तिरा जमाल नहीं
तजाहुल अपनी जफ़ाओं पे और महशर में
ख़ुदा के सामने कहते हो तुम ख़याल नहीं
ये कह के जल्वे से बेहोश हो गए मूसा
निगाह उस से मिलाऊँ मिरी मजाल नहीं
मैं हर बहार-ए-गुलिस्ताँ पे ग़ौर करता हूँ
जला न हो मिरा घर ऐसा कोई साल नहीं
ख़ता मुआफ़ कि सरकार मुँह पे कहता हूँ
बग़ैर आईना कह लो मिरी मिसाल नहीं
मैं चाँदनी में बुलाता तो हूँ वो कह देंगे
'क़मर' तुम्हें मिरी रुस्वाई का ख़याल नहीं
ba-juz tumhāre kisī se koī savāl nahīñ
ki jaise saare zamāne se bol-chāl nahīñ
ye sochtā huuñ ki tū kyuuñ nazar nahīñ aatā
mirī nigāh nahīñ yā tirā jamāl nahīñ
tajāhul apnī jafāoñ pe aur mahshar meñ
ḳhudā ke sāmne kahte ho tum ḳhayāl nahīñ
ye kah ke jalve se behosh ho ga.e muusā
nigāh us se milā.ūñ mirī majāl nahīñ
maiñ har bahār-e-gulistāñ pe ġhaur kartā huuñ
jalā na ho mirā ghar aisā koī saal nahīñ
ḳhatā muaaf ki sarkār muñh pe kahtā huuñ
baġhair ā.īna kah lo mirī misāl nahīñ
maiñ chāndnī meñ bulātā to huuñ vo kah deñge
'qamar' tumheñ mirī rusvā.ī kā ḳhayāl nahīñ
بجز تمہارے کسی سے کوئی سوال نہیں
کہ جیسے سارے زمانے سے بول چال نہیں
یہ سوچتا ہوں کہ تو کیوں نظر نہیں آتا
مری نگاہ نہیں یا ترا جمال نہیں
تجاہل اپنی جفاؤں پہ اور محشر میں
خدا کے سامنے کہتے ہو تم خیال نہیں
یہ کہہ کے جلوے سے بے ہوش ہو گئے موسیٰ
نگاہ اس سے ملاؤں مری مجال نہیں
میں ہر بہار گلستاں پہ غور کرتا ہوں
جلا نہ ہو مرا گھر ایسا کوئی سال نہیں
خطا معاف کہ سرکار منہ پہ کہتا ہوں
بغیر آئینہ کہہ لو مری مثال نہیں
میں چاندنی میں بلاتا تو ہوں وہ کہہ دیں گے
قمرؔ تمہیں مری رسوائی کا خیال نہیں