अपनी ही सदा सुनूँ कहाँ तक
जंगल की हवा रहूँ कहाँ तक
हर बार हवा न होगी दर पर
हर बार मगर उठूँ कहाँ तक
दम घटता है घर में हब्स वो है
ख़ुश्बू के लिए रुकूँ कहाँ तक
फिर आ के हवाएँ खोल देंगी
ज़ख़्म अपने रफ़ू करूँ कहाँ तक
साहिल पे समुंदरों से बच कर
मैं नाम तिरा लिखूँ कहाँ तक
तन्हाई का एक एक लम्हा
हंगामों से क़र्ज़ लूँ कहाँ तक
गर लम्स नहीं तो लफ़्ज़ ही भेज
मैं तुझ से जुदा रहूँ कहाँ तक
सुख से भी तो दोस्ती कभी हो
दुख से ही गले मिलूँ कहाँ तक
मंसूब हो हर किरन किसी से
अपने ही लिए जलूँ कहाँ तक
आँचल मिरे भर के फट रहे हैं
फूल उस के लिए चुनूँ कहाँ तक
apnī hī sadā sunūñ kahāñ tak
jañgal kī havā rahūñ kahāñ tak
har baar havā na hogī dar par
har baar magar uThūñ kahāñ tak
dam ghaTtā hai ghar meñ habs vo hai
ḳhushbū ke liye rukūñ kahāñ tak
phir aa ke havā.eñ khol deñgī
zaḳhm apne rafū karūñ kahāñ tak
sāhil pe samundaroñ se bach kar
maiñ naam tirā likhūñ kahāñ tak
tanhā.ī kā ek ek lamha
hañgāmoñ se qarz luuñ kahāñ tak
gar lams nahīñ to lafz hī bhej
maiñ tujh se judā rahūñ kahāñ tak
sukh se bhī to dostī kabhī ho
dukh se hī gale milūñ kahāñ tak
mansūb ho har kiran kisī se
apne hī liye jalūñ kahāñ tak
āñchal mire bhar ke phaT rahe haiñ
phuul us ke liye chunūñ kahāñ tak
اپنی ہی صدا سنوں کہاں تک
جنگل کی ہوا رہوں کہاں تک
ہر بار ہوا نہ ہوگی در پر
ہر بار مگر اٹھوں کہاں تک
دم گھٹتا ہے گھر میں حبس وہ ہے
خوشبو کے لئے رکوں کہاں تک
پھر آ کے ہوائیں کھول دیں گی
زخم اپنے رفو کروں کہاں تک
ساحل پہ سمندروں سے بچ کر
میں نام ترا لکھوں کہاں تک
تنہائی کا ایک ایک لمحہ
ہنگاموں سے قرض لوں کہاں تک
گر لمس نہیں تو لفظ ہی بھیج
میں تجھ سے جدا رہوں کہاں تک
سکھ سے بھی تو دوستی کبھی ہو
دکھ سے ہی گلے ملوں کہاں تک
منسوب ہو ہر کرن کسی سے
اپنے ہی لیے جلوں کہاں تک
آنچل مرے بھر کے پھٹ رہے ہیں
پھول اس کے لئے چنوں کہاں تک