अजीब सुब्ह थी दीवार ओ दर कुछ और से थे
निगाह देख रही थी कि घर कुछ और से थे
वो आशियाने नहीं थे जहाँ पे चिड़ियाँ थीं
शजर कुछ और से उन पर समर कुछ और से थे
तमाम कश्तियाँ मंजधार में घिरी हुई थीं
हर एक लहर में बनते भँवर कुछ और से थे
बहुत बदल गया मैदान-ए-जंग का नक़्शा
वो धड़ कुछ और से थे उन पे सर कुछ और से थे
मिरे हलीफ़ मिरे साथ थे लड़ाई में
हर एक शख़्स के तेवर मगर कुछ और से थे
कई पड़ाव थे मंज़िल की राह में 'ताबिश'
मिरे नसीब में लेकिन सफ़र कुछ और से थे
ajiib sub.h thī dīvār o dar kuchh aur se the
nigāh dekh rahī thī ki ghar kuchh aur se the
vo āshiyāne nahīñ the jahāñ pe chiḌiyāñ thiiñ
shajar kuchh aur se un par samar kuchh aur se the
tamām kashtiyāñ mañjdhār meñ ghirī huī thiiñ
har ek lahar meñ bante bhañvar kuchh aur se the
bahut badal gayā maidān-e-jañg kā naqsha
vo dhaḌ kuchh aur se the un pe sar kuchh aur se the
mire halīf mire saath the laḌā.ī meñ
har ek shaḳhs ke tevar magar kuchh aur se the
ka.ī paḌāv the manzil kī raah meñ 'tābish'
mire nasīb meñ lekin safar kuchh aur se the
عجیب صبح تھی دیوار و در کچھ اور سے تھے
نگاہ دیکھ رہی تھی کہ گھر کچھ اور سے تھے
وہ آشیانے نہیں تھے جہاں پہ چڑیاں تھیں
شجر کچھ اور سے ان پر ثمر کچھ اور سے تھے
تمام کشتیاں منجدھار میں گھری ہوئی تھیں
ہر ایک لہر میں بنتے بھنور کچھ اور سے تھے
بہت بدل گیا میدان جنگ کا نقشہ
وہ دھڑ کچھ اور سے تھے ان پہ سر کچھ اور سے تھے
مرے حلیف مرے ساتھ تھے لڑائی میں
ہر ایک شخص کے تیور مگر کچھ اور سے تھے
کئی پڑاؤ تھے منزل کی راہ میں تابشؔ
مرے نصیب میں لیکن سفر کچھ اور سے تھے