ज़िंदा-दिली निशाना-ए-तहक़ीर किस लिए
खिंचती नहीं हयात की तस्वीर किस लिए
शाख़-ए-शजर पे होती तो कुछ और बात थी
मौजों पे आशियाने की ता'मीर किस लिए
क्या तू ने पैरवी-ए-नबी छोड़ दी है अब
बे-फ़ैज़ हो गई तिरी तक़रीर किस लिए
अहल-ए-शुऊ'र जो थे वो पस्ती में खो गए
बे-ढंग लोग पा गए तौक़ीर किस लिए
तूफ़ान का ख़याल है या ज़लज़ले का ख़ौफ़
तेरे लबों पे नाला-ए-शब-गीर किस लिए
मशहूर थीं ज़माने में शीरीं-बयानीयाँ
अब खो गई ज़बान की तासीर किस लिए
ता-सुब्ह तू ने ख़्वाब ही देखा न रात को
फिर पूछता है ख़्वाब की ता'बीर किस लिए
मंज़िल है 'दाग़' सामने अपने क़दम बढ़ाओ
तुम देखते हो जानिब-ए-रह-गीर किस लिए
zinda-dilī nishāna-e-tahqīr kis liye
khiñchtī nahīñ hayāt kī tasvīr kis liye
shāḳh-e-shajar pe hotī to kuchh aur baat thī
maujoñ pe āshiyāne kī ta.amīr kis liye
kyā tū ne pairvī-e-nabī chhoḌ dī hai ab
be-faiz ho ga.ī tirī taqrīr kis liye
ahl-e-shu.ūr jo the vo pastī meñ kho ga.e
be-Dhang log pā ga.e tauqīr kis liye
tūfān kā ḳhayāl hai yā zalzale kā ḳhauf
tere laboñ pe nāla-e-shab-gīr kis liye
mash.hūr thiiñ zamāne meñ shīrīñ-bayāniyāñ
ab kho ga.ī zabān kī tāsīr kis liye
tā-sub.h tū ne ḳhvāb hī dekhā na raat ko
phir pūchhtā hai ḳhvāb kī ta.abīr kis liye
manzil hai 'dāġh' sāmne apne qadam baḌhāo
tum dekhte ho jānib-e-rah-gīr kis liye
زندہ دلی نشانۂ تحقیر کس لیے
کھنچتی نہیں حیات کی تصویر کس لیے
شاخ شجر پہ ہوتی تو کچھ اور بات تھی
موجوں پہ آشیانے کی تعمیر کس لئے
کیا تو نے پیروی نبی چھوڑ دی ہے اب
بے فیض ہو گئی تری تقریر کس لیے
اہل شعور جو تھے وہ پستی میں کھو گئے
بے ڈھنگ لوگ پا گئے توقیر کس لیے
طوفان کا خیال ہے یا زلزلے کا خوف
تیرے لبوں پہ نالۂ شب گیر کس لیے
مشہور تھیں زمانے میں شیریں بیانیاں
اب کھو گئی زبان کی تاثیر کس لیے
تا صبح تو نے خواب ہی دیکھا نہ رات کو
پھر پوچھتا ہے خواب کی تعبیر کس لیے
منزل ہے داغؔ سامنے اپنے قدم بڑھاؤ
تم دیکھتے ہو جانب رہ گیر کس لیے