ज़िक्र-ए-वफ़ा कब एक फ़साना है आज-कल
मर के नहीं तो जी के दिखाना है आज-कल
जिस दिल को देखो इन का निशाना है आज-कल
जैसे इन्हीं बुतों का ज़माना है आज-कल
किस की ज़बाँ पे ज़िक्र मिरे 'इश्क़ का नहीं
देखो न एक लफ़्ज़ फ़साना है आज-कल
मुझ को मिटा के इस तरह से मुतमइन वो हैं
जैसे सवाब ज़ुल्म का ढाना है आज-कल
मरना दलील-ए-अम्न है तकमील-ए-अम्न है
जीना मिरी नज़र में बहाना है आज-कल
मुझ को सता के देख ले ऐ ना-सिपास वक़्त
मेरे लिए मलाल तराना है आज-कल
ज़ुल्फ़ों के बल निकाल न दे तो सही हुज़ूर
हर-चंद दस्त-ए-नाज़्नीं शाना है आज-कल
तुझ को हँसी न आएगी तो किस को आएगी
ऐ इंक़िलाब तेरा ज़माना है आज-कल
हम और दिल की बात कहें तौबा कीजिए
ख़ुद जुम्बिश-ए-निगाह फ़साना है आज-कल
'राफ़त' हमीं को ख़ुद नहीं इस्लाह की तमीज़
क्यों कहिए कजरवी पे ज़माना है आज-कल
zikr-e-vafā kab ek fasāna hai āj-kal
mar ke nahīñ to jī ke dikhānā hai āj-kal
jis dil ko dekho in kā nishāna hai āj-kal
jaise inhīñ butoñ kā zamāna hai āj-kal
kis kī zabāñ pe zikr mire 'ishq kā nahīñ
dekho na ek lafz fasāna hai āj-kal
mujh ko miTā ke is tarah se mutma.in vo haiñ
jaise savāb zulm kā Dhānā hai āj-kal
marnā dalīl-e-amn hai takmīl-e-amn hai
jiinā mirī nazar meñ bahāna hai āj-kal
mujh ko satā ke dekh le ai nā-sipās vaqt
mere liye malāl tarāna hai āj-kal
zulfoñ ke bal nikāl na de to sahī huzūr
har-chand dast-e-nāznīñ shānā hai āj-kal
tujh ko hañsī na aa.egī to kis ko aa.egī
ai inqilāb terā zamāna hai āj-kal
ham aur dil kī baat kaheñ tauba kījiye
ḳhud jumbish-e-nigāh fasāna hai āj-kal
'rāfat' hamīñ ko ḳhud nahīñ islāh kī tamīz
kyoñ kahiye kajravī pe zamāna hai āj-kal
ذکر وفا کب ایک فسانہ ہے آج کل
مر کے نہیں تو جی کے دکھانا ہے آج کل
جس دل کو دیکھو ان کا نشانہ ہے آج کل
جیسے انہیں بتوں کا زمانہ ہے آج کل
کس کی زباں پہ ذکر مرے عشق کا نہیں
دیکھو نہ ایک لفظ فسانہ ہے آج کل
مجھ کو مٹا کے اس طرح سے مطمئن وہ ہیں
جیسے ثواب ظلم کا ڈھانا ہے آج کل
مرنا دلیل امن ہے تکمیل امن ہے
جینا مری نظر میں بہانہ ہے آج کل
مجھ کو ستا کے دیکھ لے اے نا سپاس وقت
میرے لیے ملال ترانہ ہے آج کل
زلفوں کے بل نکال نہ دے تو سہی حضور
ہر چند دست نازنیں شانا ہے آج کل
تجھ کو ہنسی نہ آئے گی تو کس کو آئے گی
اے انقلاب تیرا زمانہ ہے آج کل
ہم اور دل کی بات کہیں توبہ کیجئے
خود جنبش نگاہ فسانہ ہے آج کل
رافتؔ ہمیں کو خود نہیں اصلاح کی تمیز
کیوں کہئے کجروی پہ زمانہ ہے آج کل