घबरा के जान दी हो अगर हिज्र-ए-यार में
अल्लाह दो घड़ी भी न दे सुख फ़रार में
दिल को बुतों ने लूट लिया लूट लेने दो
क्या दख़्ल है मशिय्यत-ए-परवरदिगार में
ऐ दोस्त तुम पे मरता मैं जी कर हज़ार बार
होती जो मौत-ओ-ज़ीस्त मिरे इख़्तियार में
मैं मर गया तो हूँ मगर अल्लह-रे इंतिज़ार
आँखें खुली हैं हसरत-ए-दीदार-ए-यार में
महशर का दिन है अब तो दिखा दीजिए जमाल
ज़िंदा हुआ हूँ मर के इसी इंतिज़ार में
ये कह के हम ने जान दी क़दमों पे यार के
आने न देंगे फ़र्क़ कभी ए'तिबार में
घबरा रहा है देर से 'राफ़त' हमारा दिल
आओ चलो भी सैर करें कू-ए-यार में
ghabrā ke jaan dī ho agar hijr-e-yār meñ
allāh do ghaḌī bhī na de sukh farār meñ
dil ko butoñ ne luuT liyā luuT lene do
kyā daḳhl hai mashiyyat-e-parvardigār meñ
ai dost tum pe martā maiñ jī kar hazār baar
hotī jo maut-o-zīst mire iḳhtiyār meñ
maiñ mar gayā to huuñ magar allah-re intizār
āñkheñ khulī haiñ hasrat-e-dīdār-e-yār meñ
mahshar kā din hai ab to dikhā dījiye jamāl
zinda huā huuñ mar ke isī intizār meñ
ye kah ke ham ne jaan dī qadmoñ pe yaar ke
aane na deñge farq kabhī e'tibār meñ
ghabrā rahā hai der se 'rāfat' hamārā dil
aao chalo bhī sair kareñ kū-e-yār meñ
گھبرا کے جان دی ہو اگر ہجر یار میں
اللہ دو گھڑی بھی نہ دے سکھ فرار میں
دل کو بتوں نے لوٹ لیا لوٹ لینے دو
کیا دخل ہے مشیت پروردگار میں
اے دوست تم پہ مرتا میں جی کر ہزار بار
ہوتی جو موت و زیست مرے اختیار میں
میں مر گیا تو ہوں مگر اللہ رے انتظار
آنکھیں کھلی ہیں حسرت دیدار یار میں
محشر کا دن ہے اب تو دکھا دیجئے جمال
زندہ ہوا ہوں مر کے اسی انتظار میں
یہ کہہ کے ہم نے جان دی قدموں پہ یار کے
آنے نہ دیں گے فرق کبھی اعتبار میں
گھبرا رہا ہے دیر سے رافتؔ ہمارا دل
آؤ چلو بھی سیر کریں کوئے یار میں