ज़ेहन और दिल में जो रहती है चुभन खुल जाए
आए काग़ज़ पे तो सलमा-ए-सुख़न खुल जाए
क़तरा-ए-दीदा-ए-नमनाक मसीहाई करे
फ़िक्र के बंद दरीचों की शिकन खुल जाए
मैं उसे रोज़ मनाता हूँ सहर होने तक
मेरे अल्लाह किसी शब तो ये दुल्हन खुल जाए
एक ख़ुश्बू सी है जो रूह की गहराई में
लफ़्ज़ मिल जाएँ तो मा'नी का चमन खुल जाए
इस तरह जागे किसी रोज़ ग़ज़ल का जादू
जैसे मस्ती में पिया से कोई जोगन खुल जाए
नीम-शब इज्ज़-ओ-समाजत से करूँ दस्त दराज़
लफ़्ज़ धोने के लिए आँखों में सावन खुल जाए
सर-कशी और तजावुज़ से बचाना यारब
मेरे एहसास में गर यास का फन खुल जाए
zehan aur dil meñ jo rahtī hai chubhan khul jaa.e
aa.e kāġhaz pe to salmā-e-suḳhan khul jaa.e
qatra-e-dīda-e-namnāk masīhā.ī kare
fikr ke band darīchoñ kī shikan khul jaa.e
maiñ use roz manātā huuñ sahar hone tak
mere allāh kisī shab to ye dulhan khul jaa.e
ek ḳhushbū sī hai jo ruuh kī gahrā.ī meñ
lafz mil jaa.eñ to ma.anī kā chaman khul jaa.e
is tarah jaage kisī roz ġhazal kā jaadū
jaise mastī meñ piyā se koī jogan khul jaa.e
nīm-shab ijz-o-samājat se karūñ dast darāz
lafz dhone ke liye āñkhoñ meñ sāvan khul jaa.e
sar-kashī aur tajāvuz se bachānā yārab
mere ehsās meñ gar yaas kā phan khul jaa.e
ذہن اور دل میں جو رہتی ہے چبھن کھل جائے
آئے کاغذ پہ تو سلمائے سخن کھل جائے
قطرۂ دیدۂ نمناک مسیحائی کرے
فکر کے بند دریچوں کی شکن کھل جائے
میں اسے روز مناتا ہوں سحر ہونے تک
میرے اللہ کسی شب تو یہ دلہن کھل جائے
ایک خوشبو سی ہے جو روح کی گہرائی میں
لفظ مل جائیں تو معنی کا چمن کھل جائے
اس طرح جاگے کسی روز غزل کا جادو
جیسے مستی میں پیا سے کوئی جوگن کھل جائے
نیم شب عجز و سماجت سے کروں دست دراز
لفظ دھونے کے لئے آنکھوں میں ساون کھل جائے
سرکشی اور تجاوز سے بچانا یا رب
میرے احساس میں گر یاس کا پھن کھل جائے