धानी सुरमई सब्ज़ गुलाबी जैसे माँ का आँचल शाम
कैसे कैसे रंग दिखाए रोज़ लबालब छागल शाम
चरवाहे को घर पहुँचाए पहरे-दार से घर छुड़वाए
आते जाते छेड़ती जाए दरवाज़े की साँकल शाम
सूरज के पापों की गठरी सर पर लादे थकी थकी सी
ख़ामोशी से मुँह लटकाए चल देती है पैदल शाम
बेहिस दुनिया-दारों को हो दुनिया की हर चीज़ मुबारक
ग़म-ज़ादों का सरमाया हैं आँसू आहें बोतल शाम
सूरज के जाते ही अपने रंग पे आ जाती है दुनिया
जाने-बूझे चुप रहती है शब के मोड़ पे कोमल शाम
साँसों की पुर-शोर डगर पे रक़्स करेगा सन्नाटा
चुपके से जिस रोज़ अचानक छनका देगी पायल शाम
'बद्र' तुम्हें क्या हाल सुनाईं इतना ही बस काफ़ी है
तन्हाई में कट जाती है जैसे-तैसे मख़मल शाम
dhānī surma.ī sabz gulābī jaise maañ kā āñchal shaam
kaise kaise rañg dikhā.e roz labālab chhāgal shaam
charvāhe ko ghar pahuñchā.e pahre-dār se ghar chhuḌvā.e
aate jaate chheḌtī jaa.e darvāze kī sāñkal shaam
sūraj ke pāpoñ kī gaThrī sar par laade thakī thakī sī
ḳhāmoshī se muñh laTkā.e chal detī hai paidal shaam
behis duniyā-dāroñ ko ho duniyā kī har chiiz mubārak
ġham-zādoñ kā sarmāyā haiñ aañsū aaheñ botal shaam
sūraj ke jaate hī apne rañg pe aa jaatī hai duniyā
jāne-būjhe chup rahtī hai shab ke moḌ pe komal shaam
sāñsoñ kī pur-shor Dagar pe raqs karegā sannāTā
chupke se jis roz achānak chhankā degī paa.el shaam
'badr' tumheñ kyā haal sunā.īñ itnā hī bas kaafī hai
tanhā.ī meñ kaT jaatī hai jaise-taise maḳhmal shaam
دھانی سرمئی سبز گلابی جیسے ماں کا آنچل شام
کیسے کیسے رنگ دکھائے روز لبالب چھاگل شام
چرواہے کو گھر پہنچائے پہرے دار سے گھر چھڑوائے
آتے جاتے چھیڑتی جائے دروازے کی سانکل شام
سورج کے پاپوں کی گٹھری سر پر لادے تھکی تھکی سی
خاموشی سے منہ لٹکائے چل دیتی ہے پیدل شام
بے حس دنیا داروں کو ہو دنیا کی ہر چیز مبارک
غم زادوں کا سرمایا ہیں آنسو آہیں بوتل شام
سورج کے جاتے ہی اپنے رنگ پہ آ جاتی ہے دنیا
جانے بوجھے چپ رہتی ہے شب کے موڑ پہ کومل شام
سانسوں کی پر شور ڈگر پہ رقص کرے گا سناٹا
چپکے سے جس روز اچانک چھنکا دے گی پائل شام
بدرؔ تمہیں کیا حال سنائیں اتنا ہی بس کافی ہے
تنہائی میں کٹ جاتی ہے جیسے تیسے مخمل شام