फल दरख़्तों से गिरे थे आँधियों में थाल भर
मेरे हिस्से में मगर आए नहीं रूमाल भर
पहले सारे पंछियों को पर मिलें पर्वाज़ के
फिर शिकारी से कहे कोई कि अपना जाल भर
मौसमों की सख़्तियाँ तो बादलों सी उड़ गईं
आज भी महफ़ूज़ कब है दिल का शीशा बाल-भर
धुँद ही छाई रही आँखों में तुम से क्या कहें
अब तो यारो एक सा रहता है मौसम साल-भर
धूप की मन-मानियों पर मुस्कुराते थे कभी
इन तनावर पेड़ों पर पत्ते बचे हैं डाल-भर
एक शय का नाम जो बतलाए उस का नाम हो
अपनी गलियों में नहीं है मुंबई सी चाल भर
और हम से क्या तक़ाज़ा है तिरा अस्र-ए-रवाँ
जान-आे-तन का नाम है बस हड्डियों पर खाल-भर
phal daraḳhtoñ se gire the āñdhiyoñ meñ thaal bhar
mere hisse meñ magar aa.e nahīñ rūmāl bhar
pahle saare panchhiyoñ ko par mileñ parvāz ke
phir shikārī se kahe koī ki apnā jaal bhar
mausamoñ kī saḳhtiyāñ to bādaloñ sī uḌ ga.iiñ
aaj bhī mahfūz kab hai dil kā shīsha bāl-bhar
dhund hī chhā.ī rahī āñkhoñ meñ tum se kyā kaheñ
ab to yaaro ek sā rahtā hai mausam sāl-bhar
dhuup kī man-māniyoñ par muskurāte the kabhī
in tanāvar peḌoñ par patte bache haiñ Dāl-bhar
ek shai kā naam jo batlā.e us kā naam ho
apnī galiyoñ meñ nahīñ hai mumbai sī chaal bhar
aur ham se kyā taqāza hai tirā asr-e-ravāñ
jān-o-tan kā naam hai bas haDDiyoñ par khāl-bhar
پھل درختوں سے گرے تھے آندھیوں میں تھال بھر
میرے حصے میں مگر آئے نہیں رومال بھر
پہلے سارے پنچھیوں کو پر ملیں پرواز کے
پھر شکاری سے کہے کوئی کہ اپنا جال بھر
موسموں کی سختیاں تو بادلوں سی اڑ گئیں
آج بھی محفوظ کب ہے دل کا شیشہ بال بھر
دھند ہی چھائی رہی آنکھوں میں تم سے کیا کہیں
اب تو یارو ایک سا رہتا ہے موسم سال بھر
دھوپ کی من مانیوں پر مسکراتے تھے کبھی
ان تناور پیڑوں پر پتے بچے ہیں ڈال بھر
ایک شے کا نام جو بتلائے اس کا نام ہو
اپنی گلیوں میں نہیں ہے ممبئی سی چال بھر
اور ہم سے کیا تقاضہ ہے ترا عصر رواں
جان و تن کا نام ہے بس ہڈیوں پر کھال بھر