ज़माना आँख से ओझल मकान सामने है
छिपी हुई है हक़ीक़त गुमान सामने है
निगाह उलझी हुई है वहीं मगर दिल के
खुली ज़मीन खुला आसमान सामने है
खड़ा है तान के वो अब्रूओं की शमशीरें
इधर ये जान मिरी ना-तवान सामने है
करूँगा रोज़े का इज़हार किस तरह तुम पर
नमाज़ का तो जबीं पर निशान सामने है
झुकाऊँ सर तो ज़मीं खींचती है सू-ए-पताल
उठाऊँ सर को तो सारा जहान सामने है
रुका हुआ वो कोई कारवान सामने है
वो चल के ठहर गया है चटान सामने है
मिरे वजूद को जुम्बिश का इख़्तियार नहीं
तुम्हारी आँखों का आईना-दान सामने है
मैं इश्तिहा की अज़िय्यत में हूँ न खींच मुझे
अभी है तूर बहुत दूर नान सामने है
zamāna aañkh se ojhal makān sāmne hai
chhipī huī hai haqīqat gumān sāmne hai
nigāh uljhī huī hai vahīñ magar dil ke
khulī zamīn khulā āsmān sāmne hai
khaḌā hai taan ke vo abrūoñ kī shamshīreñ
idhar ye jaan mirī nā-tavān sāmne hai
karūñgā roze kā iz.hār kis tarah tum par
namāz kā to jabīñ par nishān sāmne hai
jhukā.ūñ sar to zamīñ khīñchtī hai sū-e-patāl
uThā.ūñ sar ko to saarā jahān sāmne hai
rukā huā vo koī kārvān sāmne hai
vo chal ke Thahr gayā hai chaTān sāmne hai
mire vajūd ko jumbish kā iḳhtiyār nahīñ
tumhārī āñkhoñ kā ā.īna-dān sāmne hai
maiñ ishtihā kī aziyyat meñ huuñ na khīñch mujhe
abhī hai tuur bahut duur naan sāmne hai
زمانہ آنکھ سے اوجھل مکان سامنے ہے
چھپی ہوئی ہے حقیقت گمان سامنے ہے
نگاہ الجھی ہوئی ہے وہیں مگر دل کے
کھلی زمین کھلا آسمان سامنے ہے
کھڑا ہے تان کے وہ ابروؤں کی شمشیریں
ادھر یہ جان مری ناتوان سامنے ہے
کروں گا روزے کا اظہار کس طرح تم پر
نماز کا تو جبیں پر نشان سامنے ہے
جھکاؤں سر تو زمیں کھینچتی ہے سوئے پتال
اٹھاؤں سر کو تو سارا جہان سامنے ہے
رکا ہوا وہ کوئی کاروان سامنے ہے
وہ چل کے ٹھہر گیا ہے چٹان سامنے ہے
مرے وجود کو جنبش کا اختیار نہیں
تمہاری آنکھوں کا آئینہ دان سامنے ہے
میں اشتہا کی اذیت میں ہوں نہ کھینچ مجھے
ابھی ہے طور بہت دور نان سامنے ہے