दुश्मन-ए-जाँ के लिए लफ़्ज़-ए-मसीहा निकला
सच मिरे मुँह से तो निकला मगर आधा निकला
दहर में जिस का शरर आग से आगे है कहीं
कैसी मिट्टी है ये जिस से तिरा बंदा निकला
उस ने जाते हुए बस इतना कहा जाता हूँ
मेरे होंटों से फ़क़त हौले से अच्छा निकला
देख तो कैसे छलक कर तिरी जानिब लपका
तेरे होंटों का तो ये जाम भी प्यासा निकला
इक हसीं ने मिरी तक़दीर बदल डाली है
मैं जिसे चाँद समझता था सितारा निकला
तू ने देखा ही नहीं ज़ुल्म किया है मुझ पर
दिल से ईमान-ओ-यक़ीं सारे का सारा निकला
वो इमारत सी गिरी थी जो मिरे सीने में
उस की बुनियाद से कहते हैं दफ़ीना निकला
ऐसा क्या तू ने किया था कि तिरी महफ़िल से
मर गया मर गया हर शख़्स ये कहता निकला
इश्क़ पाइंदा ओ रख़्शंदा वफ़ा ज़िंदाबाद
आप को देख के बे-साख़्ता ना'रा निकला
देख तो रंग भी तस्वीर से बिछड़े हुए हैं
और तुझ से भी तो अपना यही रिश्ता निकला
dushman-e-jāñ ke liye lafz-e-masīhā niklā
sach mire muñh se to niklā magar aadhā niklā
dahr meñ jis kā sharar aag se aage hai kahīñ
kaisī miTTī hai ye jis se tirā banda niklā
us ne jaate hue bas itnā kahā jaatā huuñ
mere hoñToñ se faqat haule se achchhā niklā
dekh to kaise chhalak kar tirī jānib lapkā
tere hoñToñ kā to ye jaam bhī pyāsā niklā
ik hasīñ ne mirī taqdīr badal Daalī hai
maiñ jise chāñd samajhtā thā sitāra niklā
tū ne dekhā hī nahīñ zulm kiyā hai mujh par
dil se īmān-o-yaqīñ saare kā saarā niklā
vo imārat sī girī thī jo mire siine meñ
us kī buniyād se kahte haiñ dafīna niklā
aisā kyā tū ne kiyā thā ki tirī mahfil se
mar gayā mar gayā har shaḳhs ye kahtā niklā
ishq pā.inda o raḳhshanda vafā zindabād
aap ko dekh ke be-sāḳhta na.ara niklā
dekh to rang bhī tasvīr se bichhḌe hue haiñ
aur tujh se bhī to apnā yahī rishta niklā
دشمن جاں کے لیے لفظ مسیحا نکلا
سچ مرے منہ سے تو نکلا مگر آدھا نکلا
دہر میں جس کا شرر آگ سے آگے ہے کہیں
کیسی مٹی ہے یہ جس سے ترا بندہ نکلا
اس نے جاتے ہوئے بس اتنا کہا جاتا ہوں
میرے ہونٹوں سے فقط ہولے سے اچھا نکلا
دیکھ تو کیسے چھلک کر تری جانب لپکا
تیرے ہونٹوں کا تو یہ جام بھی پیاسا نکلا
اک حسیں نے مری تقدیر بدل ڈالی ہے
میں جسے چاند سمجھتا تھا ستارہ نکلا
تو نے دیکھا ہی نہیں ظلم کیا ہے مجھ پر
دل سے ایمان و یقیں سارے کا سارا نکلا
وہ عمارت سی گری تھی جو مرے سینے میں
اس کی بنیاد سے کہتے ہیں دفینہ نکلا
ایسا کیا تو نے کیا تھا کہ تری محفل سے
مر گیا مر گیا ہر شخص یہ کہتا نکلا
عشق پایندہ و رخشندہ وفا زندہ باد
آپؐ کو دیکھ کے بے ساختہ نعرہ نکلا
دیکھ تو رنگ بھی تصویر سے بچھڑے ہوئے ہیں
اور تجھ سے بھی تو اپنا یہی رشتہ نکلا