ये ज़ख़्म-हा-ए-ग़म-ए-मोहब्बत ये दाग़-हा-ए-ग़म-ए-ज़माना
इन्हीं चराग़ों के दम से रौशन रहा है दिल का ग़रीब-ख़ाना
वो फ़ित्ने जाग उट्ठे आँख मिलते वो ज़लज़ले ले रहे हैं करवट
ज़रा तसव्वुर में आ गया था ख़याल-ए-ता'मीर-ए-आशियाना
कभी शिकायत कि बेवफ़ा हूँ कभी ख़फ़ा अर्ज़-ए-मुद्दआ पर
मिरे सताने को मिल ही जाता है आप को कुछ न कुछ बहाना
इन्हीं पे है लुत्फ़-ए-बर्क़-ओ-बाराँ करम उन्हीं पर है बाग़बाँ का
मिरे नशेमन के चार तिनके हैं मरकज़-ए-गर्दिश-ए-ज़माना
ये कोहना-साली में 'बद्र' तुम को ग़ज़ल-सराई की ख़ूब सूझी
न अब वो रंगीनी-ए-तख़य्युल न अब वो जज़्बात-ए-शाइ'राना
ye zaḳhm-hā-e-ġham-e-mohabbat ye dāġh-hā-e-ġham-e-zamāna
inhīñ charāġhoñ ke dam se raushan rahā hai dil kā ġharīb-ḳhāna
vo fitne jaag uTThe aañkh milte vo zalzale le rahe haiñ karvaT
zarā tasavvur meñ aa gayā thā ḳhayāl-e-ta.amīr-e-āshiyāna
kabhī shikāyat ki bevafā huuñ kabhī ḳhafā arz-e-mudda.ā par
mire satāne ko mil hī jaatā hai aap ko kuchh na kuchh bahāna
inhīñ pe hai lutf-e-barq-o-bārāñ karam unhīñ par hai bāġhbāñ kā
mire nasheman ke chaar tinke haiñ markaz-e-gardish-e-zamāna
ye kohna-sālī meñ 'badr' tum ko ġhazal-sarā.ī kī ḳhuub sūjhī
na ab vo rangīnī-e-taḳhayyul na ab vo jazbāt-e-shā.irāna
یہ زخم ہائے غم محبت یہ داغ ہائے غم زمانہ
انہیں چراغوں کے دم سے روشن رہا ہے دل کا غریب خانہ
وہ فتنے جاگ اٹھے آنکھ ملتے وہ زلزلے لے رہے ہیں کروٹ
ذرا تصور میں آ گیا تھا خیال تعمیر آشیانہ
کبھی شکایت کہ بے وفا ہوں کبھی خفا عرض مدعا پر
مرے ستانے کو مل ہی جاتا ہے آپ کو کچھ نہ کچھ بہانہ
انہیں پہ ہے لطف برق و باراں کرم انہیں پر ہے باغباں کا
مرے نشیمن کے چار تنکے ہیں مرکز گردش زمانہ
یہ کہنہ سالی میں بدرؔ تم کو غزل سرائی کی خوب سوجھی
نہ اب وہ رنگینیٔ تخیل نہ اب وہ جذبات شاعرانہ