ये सहरा-ए-तलब या बेशा-ए-आशुफ़्ता-हाली है
कोई दरयूज़ा-गर अपना कोई तेरा सवाली है
हवादिस से नबर्द-आराईयों का किस को यारा था
जुनूँ अपना सलामत जिस ने हर उफ़्ताद टाली है
तिरे अग़माज़ की ख़ू सीख ली अहल-ए-मुरव्वत ने
कि महफ़िल दर्द की अब साहब-ए-महफ़िल से ख़ाली है
हुज़ूरी हो कि महजूरी मोहब्बत कम नहीं उस से
तब अपना बख़्त-ए-आ'ली था अब अपना ज़र्फ़-ए-आ'ली है
नुमू का जोश कुछ नज़्ज़ारा-फ़रमा हो तो हो वर्ना
बहार अब के बरस ख़ुद पाइमाल-ए-ख़ुश्क-साली है
किसी के लुत्फ़-ए-कम को देर लगती है सिवा होते
चटकने तक तो हर गुल की जिबिल्लत इंफ़िआ'ली है
शरफ़ इतना कि 'ग़ालिब' की ज़मीं में है ग़ज़ल 'गौहर'
वो मज़मूँ-आफ़रीनी है न वो नाज़ुक-ख़याली है
ye sahrā-e-talab yā besha-e-āshufta-hālī hai
koī daryūza-gar apnā koī terā savālī hai
havādis se nabard-ārā.iyoñ kā kis ko yaarā thā
junūñ apnā salāmat jis ne har uftād Taalī hai
tire aġhmāz kī ḳhū siikh lī ahl-e-muravvat ne
ki mahfil dard kī ab sāhab-e-mahfil se ḳhālī hai
huzūrī ho ki mahjūrī mohabbat kam nahīñ us se
tab apnā baḳht-e-ālī thā ab apnā zarf-e-ālī hai
numū kā josh kuchh nazzāra-farmā ho to ho varna
bahār ab ke baras ḳhud pa.imāl-e-ḳhushk-sālī hai
kisī ke lutf-e-kam ko der lagtī hai sivā hote
chaTakne tak to har gul kī jibillat infi.ālī hai
sharaf itnā ki 'ġhālib' kī zamīñ meñ hai ġhazal 'gauhar'
vo mazmūñ-āfrīnī hai na vo nāzuk-ḳhayālī hai
یہ صحرائے طلب یا بیشۂ آشفتہ حالی ہے
کوئی دریوزہ گر اپنا کوئی تیرا سوالی ہے
حوادث سے نبرد آرائیوں کا کس کو یارا تھا
جنوں اپنا سلامت جس نے ہر افتاد ٹالی ہے
ترے اغماض کی خو سیکھ لی اہل مروت نے
کہ محفل درد کی اب صاحب محفل سے خالی ہے
حضوری ہو کہ مہجوری محبت کم نہیں اس سے
تب اپنا بخت عالی تھا اب اپنا ظرف عالی ہے
نمو کا جوش کچھ نظارہ فرما ہو تو ہو ورنہ
بہار اب کے برس خود پائمال خشک سالی ہے
کسی کے لطف کم کو دیر لگتی ہے سوا ہوتے
چٹکنے تک تو ہر گل کی جبلت انفعالی ہے
شرف اتنا کہ غالبؔ کی زمیں میں ہے غزل گوہرؔ
وہ مضموں آفرینی ہے نہ وہ نازک خیالی ہے