दिल तमाम आईने तीरा कौन रौशन कौन
अब ये आँख ही जाने दोस्तों में दुश्मन कौन
या जिगर में ख़ूँ कम था या अभी जुनूँ कम था
दश्त के एवज़ करता वर्ना क़स्द-ए-गुलशन कौन
इक नशात-आराई इक सुकून-ए-तन्हाई
हिज्र या विसाल अच्छा हल करे ये उलझन कौन
सिलसिले मोहब्बत के नाम से नहीं चलते
अपनी ज़ात जो तज दे शैख़ क्या बरहमन कौन
इक नई लगन बख़्शे इक फ़क़त थकन बख़्शे
मर्दुम-आज़मा निकला रहनुमा कि रहज़न कौन
इश्क़ बे-ख़बर गुज़रे ख़ैर-ओ-शर के उक़्दों से
आरज़ू की सीता को राम कौन रावन कौन
ख़ामा-ए-सुख़नवर या जज़्ब-ए-अंदरूँ 'गौहर'
फ़न के सर पे रखता है ताज-ए-अज़्मत-ए-फ़न कौन
dil tamām ā.īne tiira kaun raushan kaun
ab ye aañkh hī jaane dostoñ meñ dushman kaun
yā jigar meñ ḳhuuñ kam thā yā abhī junūñ kam thā
dasht ke evaz kartā varna qasd-e-gulshan kaun
ik nashāt-ārā.ī ik sukūn-e-tanhā.ī
hijr yā visāl achchhā hal kare ye uljhan kaun
silsile mohabbat ke naam se nahīñ chalte
apnī zaat jo taj de shaiḳh kyā barahman kaun
ik na.ī lagan baḳhshe ik faqat thakan baḳhshe
mardum-āzmā niklā rahnumā ki rahzan kaun
ishq be-ḳhabar guzre ḳhair-o-shar ke uqdoñ se
aarzū kī siitā ko raam kaun rāvan kaun
ḳhāma-e-suḳhanvar yā jazb-e-andrūñ 'gauhar'
fan ke sar pe rakhtā hai tāj-e-azmat-e-fan kaun
دل تمام آئینے تیرہ کون روشن کون
اب یہ آنکھ ہی جانے دوستوں میں دشمن کون
یا جگر میں خوں کم تھا یا ابھی جنوں کم تھا
دشت کے عوض کرتا ورنہ قصد گلشن کون
اک نشاط آرائی اک سکون تنہائی
ہجر یا وصال اچھا حل کرے یہ الجھن کون
سلسلے محبت کے نام سے نہیں چلتے
اپنی ذات جو تج دے شیخ کیا برہمن کون
اک نئی لگن بخشے اک فقط تھکن بخشے
مردم آزما نکلا رہنما کہ رہزن کون
عشق بے خبر گزرے خیر و شر کے عقدوں سے
آرزو کی سیتا کو رام کون راون کون
خامۂ سخنور یا جذب اندرون گوہرؔ
فن کے سر پہ رکھتا ہے تاج عظمت فن کون