दुखी दिलों में, दुखी साथियों में रहते थे
ये और बात कि हम मुस्कुरा भी लेते थे
वो एक शख़्स बुराई पे तुल गया तो चलो
सवाल ये है कि हम भी कहाँ फ़रिश्ते थे
और अब न आँख न आँसू न धड़कनें दिल में
तुम्ही कहो कि ये दरिया कभी उतरते थे
जुदाइयों की घड़ी नक़्श नक़्श बोलती है
वो बर्फ़-बार हवा थी, वो दाँत बजते थे
अब इन की गूँज यहाँ तक सुनाई देती है
वो क़हक़हे जो तिरी अंजुमन में लगते थे
वो एक दिन कि मोहब्बत का दिन कहें जिस को
कि आग थी न तपिश बस सुलगते जाते थे
कहाँ वो ज़ब्त के दा'वे कहाँ ये हम 'गौहर'
कि टूटते थे न फिर टूट कर बिखरते थे
dukhī diloñ meñ, dukhī sāthiyoñ meñ rahte the
ye aur baat ki ham muskurā bhī lete the
vo ek shaḳhs burā.ī pe tul gayā to chalo
savāl ye hai ki ham bhī kahāñ farishte the
aur ab na aañkh na aañsū na dhaḌkaneñ dil meñ
tumhī kaho ki ye dariyā kabhī utarte the
judā.iyoñ kī ghaḌī naqsh naqsh boltī hai
vo barf-bār havā thii, vo daañt bajte the
ab in kī guuñj yahāñ tak sunā.ī detī hai
vo qahqahe jo tirī anjuman meñ lagte the
vo ek din ki mohabbat kā din kaheñ jis ko
ki aag thī na tapish bas sulagte jaate the
kahāñ vo zabt ke da.ave kahāñ ye ham 'gauhar'
ki TūTte the na phir TuuT kar bikharte the
دکھی دلوں میں، دکھی ساتھیوں میں رہتے تھے
یہ اور بات کہ ہم مسکرا بھی لیتے تھے
وہ ایک شخص برائی پہ تل گیا تو چلو
سوال یہ ہے کہ ہم بھی کہاں فرشتے تھے
اور اب نہ آنکھ نہ آنسو نہ دھڑکنیں دل میں
تمہی کہو کہ یہ دریا کبھی اترتے تھے
جدائیوں کی گھڑی نقش نقش بولتی ہے
وہ برف بار ہوا تھی، وہ دانت بجتے تھے
اب ان کی گونج یہاں تک سنائی دیتی ہے
وہ قہقہے جو تری انجمن میں لگتے تھے
وہ ایک دن کہ محبت کا دن کہیں جس کو
کہ آگ تھی نہ تپش بس سلگتے جاتے تھے
کہاں وہ ضبط کے دعوے کہاں یہ ہم گوہرؔ
کہ ٹوٹتے تھے نہ پھر ٹوٹ کر بکھرتے تھے