ये सच है उन में ये बातें तो हाँ हैं
बड़े बद-ज़न निहायत बद-गुमाँ हैं
ग़लत है ये वो हम पर मेहरबाँ हैं
कहाँ अपनी समझ है हम कहाँ हैं
न ये पूछें न आए हिज्र में मौत
ख़ुदा भूला है बुत ना-मेहरबाँ हैं
नहीं उठते हैं आ कर ग़ैर हरगिज़
मोहब्बत में यही बार-ए-गराँ हैं
सुबूत-ए-इश्क़ है लब ख़ुश्क सर्द आह
छुपाएँ क्या कि ये सब तो अयाँ हैं
न पूछो बे-ख़ुदी-ए-इश्क़ हम से
ख़बर भी कुछ नहीं है हम कहाँ हैं
वो कुछ समझें सुना दें हाल-ए-दिल तो
यही ना वो निहायत बद-गुमाँ हैं
जब आया नावक-ए-क़ातिल सू-ए-दिल
जिगर ही बोल उट्ठा हम यहाँ हैं
अभी उक्ता गए तुम हज़रत-ए-दिल
मोहब्बत में हज़ारों इम्तिहाँ हैं
हमें बहला के रहते हैं ग़म-ओ-रंज
यही फ़ुर्क़त में गोया मेहरबाँ हैं
न क्यों रश्क आए बख़्त-ए-मुद्दई पर
कि वो उस पर बहुत ही मेहरबाँ हैं
करें किस तरह चाहत उन की हम कम
अभी नाम-ए-ख़ुदा वो नौजवाँ हैं
कभी कर दी थी ज़ाहिर ख़्वाहिश-ए-वस्ल
जभी से तो बहुत वो बद-गुमाँ हैं
हसीनों में नहीं कोई बुराई
मगर इक ऐब ये है बद-ज़बाँ हैं
न क्यों लुत्फ़ आए अब उन के सितम में
सुना है वो शरीक-ए-आसमाँ हैं
कहे देते हैं अब दिल को सँभालो
कि हम आमादा-ए-आह-ओ-फ़ुग़ाँ हैं
समझते हैं हमें और ग़ैर को एक
हमारे आप अच्छे क़द्र-दाँ हैं
ज़रा ठहरो जो आए हो दम-ए-नज़अ
कि अब हम कोई दम के मेहमाँ हैं
'फहीम' इतना ही क्या कम है हमें फ़ख़्र
सुनो अहल-ए-ज़बाँ शीरीं-ज़बाँ हैं
ye sach hai un meñ ye bāteñ to haañ haiñ
baḌe bad-zan nihāyat bad-gumāñ haiñ
ġhalat hai ye vo ham par mehrbāñ haiñ
kahāñ apnī samajh hai ham kahāñ haiñ
na ye pūchheñ na aa.e hijr meñ maut
ḳhudā bhūlā hai but nā-mehrbāñ haiñ
nahīñ uThte haiñ aa kar ġhair hargiz
mohabbat meñ yahī bār-e-garāñ haiñ
subūt-e-ishq hai lab ḳhushk sard aah
chhupā.eñ kyā ki ye sab to ayaañ haiñ
na pūchho be-ḳhudī-e-ishq ham se
ḳhabar bhī kuchh nahīñ hai ham kahāñ haiñ
vo kuchh samjheñ sunā deñ hāl-e-dil to
yahī nā vo nihāyat bad-gumāñ haiñ
jab aayā nāvak-e-qātil sū-e-dil
jigar hī bol uTThā ham yahāñ haiñ
abhī uktā ga.e tum hazrat-e-dil
mohabbat meñ hazāroñ imtihāñ haiñ
hameñ bahlā ke rahte haiñ ġham-o-rañj
yahī furqat meñ goyā mehrbāñ haiñ
na kyoñ rashk aa.e baḳht-e-mudda.ī par
ki vo us par bahut hī mehrbāñ haiñ
kareñ kis tarah chāhat un kī ham kam
abhī nām-e-ḳhudā vo naujavāñ haiñ
kabhī kar dī thī zāhir ḳhvāhish-e-vasl
jabhī se to bahut vo bad-gumāñ haiñ
hasīnoñ meñ nahīñ koī burā.ī
magar ik aib ye hai bad-zabāñ haiñ
na kyoñ lutf aa.e ab un ke sitam meñ
sunā hai vo sharīk-e-āsmāñ haiñ
kahe dete haiñ ab dil ko sambhālo
ki ham āmāda-e-āh-o-fuġhāñ haiñ
samajhte haiñ hameñ aur ġhair ko ek
hamāre aap achchhe qadr-dāñ haiñ
zarā Thahro jo aa.e ho dam-e-naz.a
ki ab ham koī dam ke mehmāñ haiñ
'fahīm' itnā hī kyā kam hai hameñ faḳhr
suno ahl-e-zabāñ shīrīñ-zabāñ haiñ
یہ سچ ہے ان میں یہ باتیں تو ہاں ہیں
بڑے بد ظن نہایت بد گماں ہیں
غلط ہے یہ وہ ہم پر مہرباں ہیں
کہاں اپنی سمجھ ہے ہم کہاں ہیں
نہ یہ پوچھیں نہ آئے ہجر میں موت
خدا بھولا ہے بت نا مہرباں ہیں
نہیں اٹھتے ہیں آ کر غیر ہرگز
محبت میں یہی بار گراں ہیں
ثبوت عشق ہے لب خشک سرد آہ
چھپائیں کیا کہ یہ سب تو عیاں ہیں
نہ پوچھو بے خودیٔ عشق ہم سے
خبر بھی کچھ نہیں ہے ہم کہاں ہیں
وہ کچھ سمجھیں سنا دیں حال دل تو
یہی نا وہ نہایت بد گماں ہیں
جب آیا ناوک قاتل سوئے دل
جگر ہی بول اٹھا ہم یہاں ہیں
ابھی اکتا گئے تم حضرت دل
محبت میں ہزاروں امتحاں ہیں
ہمیں بہلا کے رہتے ہیں غم و رنج
یہی فرقت میں گویا مہرباں ہیں
نہ کیوں رشک آئے بخت مدعی پر
کہ وہ اس پر بہت ہی مہرباں ہیں
کریں کس طرح چاہت ان کی ہم کم
ابھی نام خدا وہ نوجواں ہیں
کبھی کر دی تھی ظاہر خواہش وصل
جبھی سے تو بہت وہ بد گماں ہیں
حسینوں میں نہیں کوئی برائی
مگر اک عیب یہ ہے بد زباں ہیں
نہ کیوں لطف آئے اب ان کے ستم میں
سنا ہے وہ شریک آسماں ہیں
کہے دیتے ہیں اب دل کو سنبھالو
کہ ہم آمادۂ آہ و فغاں ہیں
سمجھتے ہیں ہمیں اور غیر کو ایک
ہمارے آپ اچھے قدرداں ہیں
ذرا ٹھہرو جو آئے ہو دم نزع
کہ اب ہم کوئی دم کے میہماں ہیں
فہیمؔ اتنا ہی کیا کم ہے ہمیں فخر
سنو اہل زباں شیریں زباں ہیں