ऐ शैख़ मुझ को ख़्वाहिश-ए-बाग़-ए-इरम नहीं
कूचा बुतों का मेरे लिए उस से कम नहीं
पहली सी उस में आदत-ए-जौर-ओ-सितम नहीं
अफ़्सोस अब यही है कि इस वक़्त हम नहीं
हाँ कू-ए-ग़ैर में तिरे नक़्श-ए-क़दम नहीं
तुझ पर मिरा गुमान ख़ुदा की क़सम नहीं
मुझ नीम-जाँ के क़त्ल में ताख़ीर इस क़दर
मा'लूम हो गया तिरे ख़ंजर में दम नहीं
नालो तुम्हारे हाथ है फ़ुर्क़त में अपनी शर्म
देखें तो आज चर्ख़ नहीं है कि हम नहीं
आब-ए-बक़ा हो मुझ को पिलाओ जो आब-ए-तेग़
तुम ज़हर भी जो दो तो वो अमृत से कम नहीं
करता है मुझ से अहद-ए-वफ़ा तो वो बुत मगर
मुझ को कुछ ए'तिबार ख़ुदा की क़सम नहीं
मुमकिन नहीं कहीं हो ठिकाना 'फहीम' का
तेरी निगाह-ए-लुत्फ़ अगर ऐ सनम नहीं
ai shaiḳh mujh ko ḳhvāhish-e-bāġh-e-iram nahīñ
kūcha butoñ kā mere liye us se kam nahīñ
pahlī sī us meñ ādat-e-jaur-o-sitam nahīñ
afsos ab yahī hai ki is vaqt ham nahīñ
haañ kū-e-ġhair meñ tire naqsh-e-qadam nahīñ
tujh par mirā gumān ḳhudā kī qasam nahīñ
mujh nīm-jāñ ke qatl meñ tāḳhīr is qadar
ma.alūm ho gayā tire ḳhanjar meñ dam nahīñ
naalo tumhāre haath hai furqat meñ apnī sharm
dekheñ to aaj charḳh nahīñ hai ki ham nahīñ
āb-e-baqā ho mujh ko pilāo jo āb-e-teġh
tum zahr bhī jo do to vo amrit se kam nahīñ
kartā hai mujh se ahd-e-vafā to vo but magar
mujh ko kuchh e'tibār ḳhudā kī qasam nahīñ
mumkin nahīñ kahīñ ho Thikānā 'fahīm' kā
terī nigāh-e-lutf agar ai sanam nahīñ
اے شیخ مجھ کو خواہش باغ ارم نہیں
کوچہ بتوں کا میرے لیے اس سے کم نہیں
پہلی سی اس میں عادت جور و ستم نہیں
افسوس اب یہی ہے کہ اس وقت ہم نہیں
ہاں کوئے غیر میں ترے نقش قدم نہیں
تجھ پر مرا گمان خدا کی قسم نہیں
مجھ نیم جاں کے قتل میں تاخیر اس قدر
معلوم ہو گیا ترے خنجر میں دم نہیں
نالو تمہارے ہاتھ ہے فرقت میں اپنی شرم
دیکھیں تو آج چرخ نہیں ہے کہ ہم نہیں
آب بقا ہو مجھ کو پلاؤ جو آب تیغ
تم زہر بھی جو دو تو وہ امرت سے کم نہیں
کرتا ہے مجھ سے عہد وفا تو وہ بت مگر
مجھ کو کچھ اعتبار خدا کی قسم نہیں
ممکن نہیں کہیں ہو ٹھکانا فہیمؔ کا
تیری نگاہ لطف اگر اے صنم نہیں