ये पैरहन जो मिरी रूह का उतर न सका
तो नख़-ब-नख़ कहीं पैवस्त रेशा-ए-दिल था
मुझे मआल-ए-सफ़र का मलाल क्यूँ-कर हो
कि जब सफ़र ही मिरा फ़ासलों का धोका था
मैं जब फ़िराक़ की रातों में उस के साथ रही
वो फिर विसाल के लम्हों में क्यूँ अकेला था
वो वास्ते की तिरा दरमियाँ भी क्यूँ आए
ख़ुदा के साथ मिरा जिस्म क्यूँ न हो तन्हा
सराब हूँ मैं तिरी प्यास क्या बुझाऊँगी
इस इश्तियाक़ से तिश्ना ज़बाँ क़रीब न ला
सराब हूँ कि बदन की यही शहादत है
हर एक उज़्व में बहता है रेत का दरिया
जो मेरे लब पे है शायद वही सदाक़त है
जो मेरे दिल में है उस हर्फ़-ए-राएगाँ पे न जा
जिसे मैं तोड़ चुकी हूँ वो रौशनी का तिलिस्म
शुआ-ए-नूर-ए-अज़ल के सिवा कुछ और न था
ye pairahan jo mirī ruuh kā utar na sakā
to naḳh-ba-naḳh kahīñ paivast resha-e-dil thā
mujhe ma.āl-e-safar kā malāl kyūñ-kar ho
ki jab safar hī mirā fāsloñ kā dhokā thā
maiñ jab firāq kī rātoñ meñ us ke saath rahī
vo phir visāl ke lamhoñ meñ kyuuñ akelā thā
vo vāste kī tirā darmiyāñ bhī kyuuñ aa.e
ḳhudā ke saath mirā jism kyuuñ na ho tanhā
sarāb huuñ maiñ tirī pyaas kyā bujhā.ūñgī
is ishtiyāq se tishna zabāñ qarīb na lā
sarāb huuñ ki badan kī yahī shahādat hai
har ek uzv meñ bahtā hai ret kā dariyā
jo mere lab pe hai shāyad vahī sadāqat hai
jo mere dil meñ hai us harf-e-rā.egāñ pe na jā
jise maiñ toḌ chukī huuñ vo raushnī kā tilism
shuā-e-nūr-e-azal ke sivā kuchh aur na thā
یہ پیرہن جو مری روح کا اتر نہ سکا
تو نخ بہ نخ کہیں پیوست ریشۂ دل تھا
مجھے مآل سفر کا ملال کیوں کر ہو
کہ جب سفر ہی مرا فاصلوں کا دھوکا تھا
میں جب فراق کی راتوں میں اس کے ساتھ رہی
وہ پھر وصال کے لمحوں میں کیوں اکیلا تھا
وہ واسطے کی ترا درمیاں بھی کیوں آئے
خدا کے ساتھ مرا جسم کیوں نہ ہو تنہا
سراب ہوں میں تری پیاس کیا بجھاؤں گی
اس اشتیاق سے تشنہ زباں قریب نہ لا
سراب ہوں کہ بدن کی یہی شہادت ہے
ہر ایک عضو میں بہتا ہے ریت کا دریا
جو میرے لب پہ ہے شاید وہی صداقت ہے
جو میرے دل میں ہے اس حرف رایگاں پہ نہ جا
جسے میں توڑ چکی ہوں وہ روشنی کا طلسم
شعاع نور ازل کے سوا کچھ اور نہ تھا