कभी धनक सी उतरती थी उन निगाहों में
वो शोख़ रंग भी धीमे पड़े हवाओं में
मैं तेज़-गाम चली जा रही थी उस की सम्त
कशिश अजीब थी उस दश्त की सदाओं में
वो इक सदा जो फ़रेब-ए-सदा से भी कम है
न डूब जाए कहीं तुंद-रौ हवाओं में
सुकूत-ए-शाम है और मैं हूँ गोश-बर-आवाज़
कि एक वा'दे का अफ़्सूँ सा है फ़ज़ाओं में
मिरी तरह यूँही गुम-कर्दा-राह छोड़ेगी
तुम अपनी बाँह न देना हवा की बाँहों में
नुक़ूश पाँव के लिखते हैं मंज़िल-ए-ना-याफ़्त
मिरा सफ़र तो है तहरीर मेरी राहों में
kabhī dhanak sī utartī thī un nigāhoñ meñ
vo shoḳh rañg bhī dhīme paḌe havāoñ meñ
maiñ tez-gām chalī jā rahī thī us kī samt
kashish ajiib thī us dasht kī sadāoñ meñ
vo ik sadā jo fareb-e-sadā se bhī kam hai
na Duub jaa.e kahīñ tund-rau havāoñ meñ
sukūt-e-shām hai aur maiñ huuñ gosh-bar-āvāz
ki ek va.ade kā afsūñ sā hai fazāoñ meñ
mirī tarah yūñhī gum-karda-rāh chhoḌegī
tum apnī baañh na denā havā kī bāñhoñ meñ
nuqūsh paañv ke likhte haiñ manzil-e-nā-yāft
mirā safar to hai tahrīr merī rāhoñ meñ
کبھی دھنک سی اترتی تھی ان نگاہوں میں
وہ شوخ رنگ بھی دھیمے پڑے ہواؤں میں
میں تیز گام چلی جا رہی تھی اس کی سمت
کشش عجیب تھی اس دشت کی صداؤں میں
وہ اک صدا جو فریب صدا سے بھی کم ہے
نہ ڈوب جائے کہیں تند رو ہواؤں میں
سکوت شام ہے اور میں ہوں گوش بر آواز
کہ ایک وعدے کا افسوں سا ہے فضاؤں میں
مری طرح یوں ہی گم کردہ راہ چھوڑے گی
تم اپنی بانہہ نہ دینا ہوا کی بانہوں میں
نقوش پاؤں کے لکھتے ہیں منزل نا یافت
مرا سفر تو ہے تحریر میری راہوں میں