मुद्दत से ये आलम है दिल का हँसता भी नहीं रोता भी नहीं
माज़ी भी कभी दिल में न चुभा आइंदा का सोचा भी नहीं
वो मेरे होंट पे लिक्खा है जो हर्फ़ मुकम्मल हो न सका
वो मेरी आँख में बस्ता है जो ख़्वाब कभी देखा भी नहीं
चलते चलते कुछ थम जाना फिर बोझल क़दमों से चलना
ये कैसी कसक सी बाक़ी है जब पाँव में वो काँटा भी नहीं
धुँदलाई हुई शामों में कोई परछाईं सी फिरती रहती है
मैं आहट सुनती हूँ जिस की वो वहम नहीं साया भी नहीं
तज़ईन-ए-लब-ओ-गेसू कैसी पिंदार का शीशा टूट गया
थी जिस के लिए सब आराइश उस ने तो हमें देखा भी नहीं
muddat se ye aalam hai dil kā hañstā bhī nahīñ rotā bhī nahīñ
maazī bhī kabhī dil meñ na chubhā ā.inda kā sochā bhī nahīñ
vo mere hoñT pe likkhā hai jo harf mukammal ho na sakā
vo merī aañkh meñ bastā hai jo ḳhvāb kabhī dekhā bhī nahīñ
chalte chalte kuchh tham jaanā phir bojhal qadmoñ se chalnā
ye kaisī kasak sī baaqī hai jab paañv meñ vo kāñTā bhī nahīñ
dhuñdlā.ī huī shāmoñ meñ koī parchhā.īñ sī phirtī rahtī hai
maiñ aahaT suntī huuñ jis kī vo vahm nahīñ saaya bhī nahīñ
taz.īn-e-lab-o-gesū kaisī pindār kā shīsha TuuT gayā
thī jis ke liye sab ārā.ish us ne to hameñ dekhā bhī nahīñ
مدت سے یہ عالم ہے دل کا ہنستا بھی نہیں روتا بھی نہیں
ماضی بھی کبھی دل میں نہ چبھا آئندہ کا سوچا بھی نہیں
وہ میرے ہونٹ پہ لکھا ہے جو حرف مکمل ہو نہ سکا
وہ میری آنکھ میں بستا ہے جو خواب کبھی دیکھا بھی نہیں
چلتے چلتے کچھ تھم جانا پھر بوجھل قدموں سے چلنا
یہ کیسی کسک سی باقی ہے جب پاؤں میں وہ کانٹا بھی نہیں
دھندلائی ہوئی شاموں میں کوئی پرچھائیں سی پھرتی رہتی ہے
میں آہٹ سنتی ہوں جس کی وہ وہم نہیں سایہ بھی نہیں
تزئین لب و گیسو کیسی پندار کا شیشہ ٹوٹ گیا
تھی جس کے لئے سب آرائش اس نے تو ہمیں دیکھا بھی نہیں