ये मत समझ कि चाँद-सितारों के साथ हूँ
सूरज नहीं है बा'द में जिस के वो रात हूँ
जो दोस्ती का फ़र्ज़ निभाने में कट गया
मैं ख़ाक पर पड़ा वो मोहब्बत का हात हूँ
ये तेरे मेरे बीच नहीं जंग आख़िरी
तू भी अभी हयात है मैं भी हयात हूँ
अहबाब मुझ को छोड़ रहे हैं तो छोड़ जाएँ
मैं आप अपनी ज़ात में इक काएनात हूँ
ये लोग मुझ को ज़हर बनाने पे हैं मुसिर
वर्ना मिज़ाज से तो मैं आब-ए-हयात हूँ
क़तरे से भी हूँ कम ये समुंदर का इंकिसार
क़तरे को ये गुमाँ कि समुंदर-सिफ़ात हूँ
'कैफ़ी' मैं जैसे अपने बुज़ुर्गों का हूँ असा
बच्चों की भी किताब क़लम हूँ दवात हूँ
ye mat samajh ki chāñd-sitāroñ ke saath huuñ
sūraj nahīñ hai baa'd meñ jis ke vo raat huuñ
jo dostī kā farz nibhāne meñ kaT gayā
maiñ ḳhaak par paḌā vo mohabbat kā haat huuñ
ye tere mere biich nahīñ jang āḳhirī
tū bhī abhī hayāt hai maiñ bhī hayāt huuñ
ahbāb mujh ko chhoḌ rahe haiñ to chhoḌ jaa.eñ
maiñ aap apnī zaat meñ ik kā.enāt huuñ
ye log mujh ko zahr banāne pe haiñ musir
varna mizāj se to maiñ āb-e-hayāt huuñ
qatre se bhī huuñ kam ye samundar kā inkisār
qatre ko ye gumāñ ki samundar-sifāt huuñ
'kaifī' maiñ jaise apne buzurgoñ kā huuñ asā
bachchoñ kī bhī kitāb qalam huuñ davāt huuñ
یہ مت سمجھ کہ چاند ستاروں کے ساتھ ہوں
سورج نہیں ہے بعد میں جس کے وہ رات ہوں
جو دوستی کا فرض نبھانے میں کٹ گیا
میں خاک پر پڑا وہ محبت کا ہات ہوں
یہ تیرے میرے بیچ نہیں جنگ آخری
تو بھی ابھی حیات ہے میں بھی حیات ہوں
احباب مجھ کو چھوڑ رہے ہیں تو چھوڑ جائیں
میں آپ اپنی ذات میں اک کائنات ہوں
یہ لوگ مجھ کو زہر بنانے پہ ہیں مصر
ورنہ مزاج سے تو میں آب حیات ہوں
قطرے سے بھی ہوں کم یہ سمندر کا انکسار
قطرے کو یہ گماں کہ سمندر صفات ہوں
کیفیؔ میں جیسے اپنے بزرگوں کا ہوں عصا
بچوں کی بھی کتاب قلم ہوں دوات ہوں