ये महकते हुए जज़्बात ये अशआ'र के फूल
काश काम आएँ किसी के मेरे अफ़्कार के फूल
मेरे दिल ने जो सजा रखे हैं ज़ख़्मों की तरह
खिल न पाए किसी गुलशन में वो मेआ'र के फूल
सूँघती हैं उन्हें ख़ुश हो के बहिश्ती हूरें
सरफ़रोशों के बदन पर हैं जो तलवार के फूल
ये मेरे अश्क-ए-नदामत हैं ख़ुदा को महबूब
दुनिया वालों की निगाहों में हैं बे-कार के फूल
मुझ को तोहफ़े में अता उस ने किए हैं 'हाफ़िज़'
कभी इंकार के काँटे कभी इक़रार के फूल
ye mahakte hue jazbāt ye ash.ār ke phuul
kaash kaam aa.eñ kisī ke mere afkār ke phuul
mere dil ne jo sajā rakhe haiñ zaḳhmoñ kī tarah
khil na paa.e kisī gulshan meñ vo me.aar ke phuul
sūñghtī haiñ unheñ ḳhush ho ke bahishtī hūreñ
sarfaroshoñ ke badan par haiñ jo talvār ke phuul
ye mere ashk-e-nadāmat haiñ ḳhudā ko mahbūb
duniyā vāloñ kī nigāhoñ meñ haiñ be-kār ke phuul
mujh ko tohfe meñ atā us ne kiye haiñ 'hāfiz'
kabhī inkār ke kāñTe kabhī iqrār ke phuul
یہ مہکتے ہوئے جذبات یہ اشعار کے پھول
کاش کام آئیں کسی کے مرے افکار کے پھول
میرے دل نے جو سجا رکھے ہیں زخموں کی طرح
کھل نہ پائے کسی گلشن میں وہ معیار کے پھول
سونگھتی ہیں انہیں خوش ہو کے بہشتی حوریں
سرفروشوں کے بدن پر ہیں جو تلوار کے پھول
یہ مرے اشک ندامت ہیں خدا کو محبوب
دنیا والوں کی نگاہوں میں ہیں بیکار کے پھول
مجھ کو تحفے میں عطا اس نے کیے ہیں حافظؔ
کبھی انکار کے کانٹے کبھی اقرار کے پھول