ये क्या मक़ाम है वो नज़ारे कहाँ गए
वो फूल क्या हुए वो सितारे कहाँ गए
यारान-ए-बज़्म जुरअत-ए-रिंदाना क्या हुई
उन मस्त अँखड़ियों के इशारे कहाँ गए
एक और दौर का वो तक़ाज़ा किधर गया
उमडे हुए वो होश के धारे कहाँ गए
उफ़्ताद क्यूँ है लग़्ज़िश-ए-मस्ताना क्यूँ नहीं
वो उज़्र-ए-मय-कशी के सहारे कहाँ गए
दौरान-ए-ज़लज़ला जो पनाह-ए-निगाह थे
लेटे हुए थे पाँव पसारे कहाँ गए
बाँधा था क्या हवा पे वो उम्मीद का तिलिस्म
रंगीनी-ए-नज़र के ग़ुबारे कहाँ गए
उठ उठ के बैठ बैठ चुकी गर्द राह की
यारो वो क़ाफ़िले थके हारे कहाँ गए
हर मीर-ए-कारवाँ से मुझे पूछना पड़ा
साथी तिरे किधर को सिधारे कहाँ गए
फ़रमा गए थे राह में बैठ इंतिज़ार कर
आए नहीं पलट के वो प्यारे कहाँ गए
तुम से भी जिन का अहद-ए-वफ़ा उस्तुवार था
ऐ दुश्मनों वो दोस्त हमारे कहाँ गए
कश्ती नई बनी कि उठा ले गया कोई
तख़्ते जो लग गए थे किनारे कहाँ गए
अब डूबतों से पूछता फिरता है नाख़ुदा
जिन को लगा चुका हूँ किनारे कहाँ गए
बेताब तेरे दर्द से थे चारागर 'हफ़ीज़'
क्या जानिए वो दर्द के मारे कहाँ गए
ye kyā maqām hai vo nazāre kahāñ ga.e
vo phuul kyā hue vo sitāre kahāñ ga.e
yārān-e-bazm jur.at-e-rindāna kyā huī
un mast añkhḌiyoñ ke ishāre kahāñ ga.e
ek aur daur kā vo taqāzā kidhar gayā
umDe hue vo hosh ke dhāre kahāñ ga.e
uftād kyuuñ hai laġhzish-e-mastāna kyuuñ nahīñ
vo uzr-e-mai-kashī ke sahāre kahāñ ga.e
daurān-e-zalzala jo panāh-e-nigāh the
leTe hue the paañv pasāre kahāñ ga.e
bāñdhā thā kyā havā pe vo ummīd kā tilism
rañgīni-e-nazar ke ġhubāre kahāñ ga.e
uTh uTh ke baiTh baiTh chukī gard raah kī
yaaro vo qāfile thake haare kahāñ ga.e
har mīr-e-kārvāñ se mujhe pūchhnā paḌā
sāthī tire kidhar ko sidhāre kahāñ ga.e
farmā ga.e the raah meñ baiTh intizār kar
aa.e nahīñ palaT ke vo pyāre kahāñ ga.e
tum se bhī jin kā ahd-e-vafā ustuvār thā
ai dushmanoñ vo dost hamāre kahāñ ga.e
kashtī na.ī banī ki uThā le gayā koī
taḳhte jo lag ga.e the kināre kahāñ ga.e
ab Dūbtoñ se pūchhtā phirtā hai nāḳhudā
jin ko lagā chukā huuñ kināre kahāñ ga.e
betāb tere dard se the chārāgar 'hafīz'
kyā jāniye vo dard ke maare kahāñ ga.e
یہ کیا مقام ہے وہ نظارے کہاں گئے
وہ پھول کیا ہوئے وہ ستارے کہاں گئے
یاران بزم جرأت رندانہ کیا ہوئی
ان مست انکھڑیوں کے اشارے کہاں گئے
ایک اور دور کا وہ تقاضا کدھر گیا
امڈے ہوئے وہ ہوش کے دھارے کہاں گئے
افتاد کیوں ہے لغزش مستانہ کیوں نہیں
وہ عذر مے کشی کے سہارے کہاں گئے
دوران زلزلہ جو پناہ نگاہ تھے
لیٹے ہوئے تھے پاؤں پسارے کہاں گئے
باندھا تھا کیا ہوا پہ وہ امید کا طلسم
رنگینی نظر کے غبارے کہاں گئے
اٹھ اٹھ کے بیٹھ بیٹھ چکی گرد راہ کی
یارو وہ قافلے تھکے ہارے کہاں گئے
ہر میر کارواں سے مجھے پوچھنا پڑا
ساتھی ترے کدھر کو سدھارے کہاں گئے
فرما گئے تھے راہ میں بیٹھ انتظار کر
آئے نہیں پلٹ کے وہ پیارے کہاں گئے
تم سے بھی جن کا عہد وفا استوار تھا
اے دشمنوں وہ دوست ہمارے کہاں گئے
کشتی نئی بنی کہ اٹھا لے گیا کوئی
تختے جو لگ گئے تھے کنارے کہاں گئے
اب ڈوبتوں سے پوچھتا پھرتا ہے ناخدا
جن کو لگا چکا ہوں کنارے کہاں گئے
بیتاب تیرے درد سے تھے چارہ گر حفیظؔ
کیا جانیے وہ درد کے مارے کہاں گئے