अगर मौज है बीच धारे चला चल
वगरना किनारे किनारे चला चल
इसी चाल से मेरे प्यारे चला चल
गुज़रती है जैसे गुज़ारे चला चल
तुझे साथ देना है बहरूपियों का
नए से नया रूप धारे चला चल
ख़ुदा को न तकलीफ़ दे डूबने में
किसी नाख़ुदा के सहारे चला चल
पहुँच जाएँगे क़ब्र में पाँव तेरे
पसारे चला चल पसारे चला चल
ये ऊपर का तबक़ा ख़ला ही ख़ला है
हवा ओ हवस के ग़ुबारे चला चल
डुबोया है तू ने हया का सफ़ीना
मिरे दोस्त सीना उभारे चला चल
मुसलसल बुतों की तमन्ना किए जा
मुसलसल ख़ुदा को पुकारे चला चल
यहाँ तो बहर-हाल झुकना पड़ेगा
नहीं तो किसी और द्वारे चला चल
तुझे तो अभी देर तक खेलना है
इसी में तो है जीत हारे चला चल
न दे फ़ुर्सत-ए-दम-ज़दन ओ ज़माने
नए से नया तीर मारे चला चल
शब-ए-तार है ता-ब-सुब्ह-ए-क़यामत
मुक़द्दर है गर्दिश सितारे चला चल
कहाँ से चला था कहाँ तक चलेगा
चला चल मसाफ़त के मारे चला चल
बसीरत नहीं है तो सीरत भी क्यूँ हो
फ़क़त शक्ल ओ सूरत सँवारे चला चल
'हफ़ीज़' इस नए दौर में तुझ को फ़न का
नशा है तो प्यारे उतारे चला चल
agar mauj hai biich dhāre chalā chal
vagarna kināre kināre chalā chal
isī chaal se mere pyāre chalā chal
guzartī hai jaise guzāre chalā chal
tujhe saath denā hai bahrūpiyoñ kā
na.e se nayā ruup dhāre chalā chal
ḳhudā ko na taklīf de Dūbne meñ
kisī nāḳhudā ke sahāre chalā chal
pahuñch jā.eñge qabr meñ paañv tere
pasāre chalā chal pasāre chalā chal
ye uupar kā tabqa ḳhalā hī ḳhalā hai
havā o havas ke ġhubāre chalā chal
Duboyā hai tū ne hayā kā safīna
mire dost siina ubhāre chalā chal
musalsal butoñ kī tamannā kiye jā
musalsal ḳhudā ko pukāre chalā chal
yahāñ to bahar-hāl jhuknā paḌegā
nahīñ to kisī aur dvāre chalā chal
tujhe to abhī der tak khelnā hai
isī meñ to hai jiit haare chalā chal
na de fursat-e-dam-zadan o zamāne
na.e se nayā tiir maare chalā chal
shab-e-tār hai ta-ba-sub.h-e-qayāmat
muqaddar hai gardish sitāre chalā chal
kahāñ se chalā thā kahāñ tak chalegā
chalā chal masāfat ke maare chalā chal
basīrat nahīñ hai to sīrat bhī kyuuñ ho
faqat shakl o sūrat sañvāre chalā chal
'hafīz' is na.e daur meñ tujh ko fan kā
nasha hai to pyāre utāre chalā chal
اگر موج ہے بیچ دھارے چلا چل
وگرنہ کنارے کنارے چلا چل
اسی چال سے میرے پیارے چلا چل
گزرتی ہے جیسے گزارے چلا چل
تجھے ساتھ دینا ہے بہروپیوں کا
نئے سے نیا روپ دھارے چلا چل
خدا کو نہ تکلیف دے ڈوبنے میں
کسی ناخدا کے سہارے چلا چل
پہنچ جائیں گے قبر میں پاؤں تیرے
پسارے چلا چل پسارے چلا چل
یہ اوپر کا طبقہ خلا ہی خلا ہے
ہوا و ہوس کے غبارے چلا چل
ڈبویا ہے تو نے حیا کا سفینہ
مرے دوست سینہ ابھارے چلا چل
مسلسل بتوں کی تمنا کیے جا
مسلسل خدا کو پکارے چلا چل
یہاں تو بہر حال جھکنا پڑے گا
نہیں تو کسی اور دوارے چلا چل
تجھے تو ابھی دیر تک کھیلنا ہے
اسی میں تو ہے جیت ہارے چلا چل
نہ دے فرصت دم زدن او زمانے
نئے سے نیا تیر مارے چلا چل
شب تار ہے تابہ صبح قیامت
مقدر ہے گردش ستارے چلا چل
کہاں سے چلا تھا کہاں تک چلے گا
چلا چل مسافت کے مارے چلا چل
بصیرت نہیں ہے تو سیرت بھی کیوں ہو
فقط شکل و صورت سنوارے چلا چل
حفیظؔ اس نئے دور میں تجھ کو فن کا
نشہ ہے تو پیارے اتارے چلا چل