अब तो कुछ और भी अंधेरा है
ये मिरी रात का सवेरा है
रहज़नों से तो भाग निकला था
अब मुझे रहबरों ने घेरा है
आगे आगे चलो तबर वालो
अभी जंगल बहुत घनेरा है
क़ाफ़िला किस की पैरवी में चले
कौन सब से बड़ा लुटेरा है
सर पे राही के सरबराही ने
क्या सफ़ाई का हाथ फेरा है
सुरमा-आलूद ख़ुश्क आँसुओं ने
नूर-ए-जाँ ख़ाक पर बिखेरा है
राख राख उस्तुख़्वाँ सफ़ेद सफ़ेद
यही मंज़िल यही बसेरा है
ऐ मिरी जान अपने जी के सिवा
कौन तेरा है कौन मेरा है
सो रहो अब 'हफ़ीज़' जी तुम भी
ये नई ज़िंदगी का डेरा है
ab to kuchh aur bhī añdherā hai
ye mirī raat kā saverā hai
rahzanoñ se to bhaag niklā thā
ab mujhe rahbaroñ ne gherā hai
aage aage chalo tabar vaalo
abhī jañgal bahut ghanerā hai
qāfila kis kī pairvī meñ chale
kaun sab se baḌā luTerā hai
sar pe raahī ke sarbarāhī ne
kyā safā.ī kā haath pherā hai
surma-ālūd ḳhushk āñsuoñ ne
nūr-e-jāñ ḳhaak par bikherā hai
raakh raakh ustuḳhvāñ safed safed
yahī manzil yahī baserā hai
ai mirī jaan apne jī ke sivā
kaun terā hai kaun merā hai
so raho ab 'hafīz' jī tum bhī
ye na.ī zindagī kā Derā hai
اب تو کچھ اور بھی اندھیرا ہے
یہ مری رات کا سویرا ہے
رہزنوں سے تو بھاگ نکلا تھا
اب مجھے رہبروں نے گھیرا ہے
آگے آگے چلو تبر والو
ابھی جنگل بہت گھنیرا ہے
قافلہ کس کی پیروی میں چلے
کون سب سے بڑا لٹیرا ہے
سر پہ راہی کے سربراہی نے
کیا صفائی کا ہاتھ پھیرا ہے
سرمہ آلود خشک آنسوؤں نے
نور جاں خاک پر بکھیرا ہے
راکھ راکھ استخواں سفید سفید
یہی منزل یہی بسیرا ہے
اے مری جان اپنے جی کے سوا
کون تیرا ہے کون میرا ہے
سو رہو اب حفیظؔ جی تم بھی
یہ نئی زندگی کا ڈیرا ہے