आने वाले जाने वाले हर ज़माने के लिए
आदमी मज़दूर है राहें बनाने के लिए
ज़िंदगी फ़िरदौस-ए-गुम-गश्ता को पा सकती नहीं
मौत ही आती है ये मंज़िल दिखाने के लिए
मेरी पेशानी पे इक सज्दा तो है लिक्खा हुआ
ये नहीं मा'लूम है किस आस्ताने के लिए
उन का वा'दा और मुझे उस पर यक़ीं ऐ हम-नशीं
इक बहाना है तड़पने तिलमिलाने के लिए
जब से पहरा ज़ब्त का है आँसुओं की फ़स्ल पर
हो गईं मुहताज आँखें दाने दाने के लिए
आख़िरी उम्मीद वक़्त-ए-नज़अ' उन की दीद थी
मौत को भी मिल गया फ़िक़रा न आने के लिए
अल्लाह अल्लाह दोस्त को मेरी तबाही पर ये नाज़
सू-ए-दुश्मन देखता है दाद पाने के लिए
ने'मत-ए-ग़म मेरा हिस्सा मुझ को दे दे ऐ ख़ुदा
जम' रख मेरी ख़ुशी सारे ज़माने के लिए
नुस्ख़ा-ए-हस्ती में 'इबरत के सिवा क्या था 'हफ़ीज़'
सुर्ख़ियाँ कुछ मिल गईं अपने फ़साने के लिए
aane vaale jaane vaale har zamāne ke liye
aadmī mazdūr hai rāheñ banāne ke liye
zindagī firdaus-e-gum-gashta ko pā saktī nahīñ
maut hī aatī hai ye manzil dikhāne ke liye
merī peshānī pe ik sajda to hai likkhā huā
ye nahīñ mā'lūm hai kis āstāne ke liye
un kā vā'da aur mujhe us par yaqīñ ai ham-nashīñ
ik bahāna hai taḌapne tilmilāne ke liye
jab se pahra zabt kā hai āñsuoñ kī fasl par
ho ga.iiñ muhtāj āñkheñ daane daane ke liye
āḳhirī ummīd vaqt-e-naz' un kī diid thī
maut ko bhī mil gayā fiqara na aane ke liye
allāh allāh dost ko merī tabāhī par ye naaz
sū-e-dushman dekhtā hai daad paane ke liye
ne'mat-e-ġham merā hissa mujh ko de de ai ḳhudā
jam' rakh merī ḳhushī saare zamāne ke liye
nusḳha-e-hastī meñ 'ibrat ke sivā kyā thā 'hafīz'
surḳhiyāñ kuchh mil ga.iiñ apne fasāne ke liye
آنے والے جانے والے ہر زمانے کے لیے
آدمی مزدور ہے راہیں بنانے کے لیے
زندگی فردوس گم گشتہ کو پا سکتی نہیں
موت ہی آتی ہے یہ منزل دکھانے کے لیے
میری پیشانی پہ اک سجدہ تو ہے لکھا ہوا
یہ نہیں معلوم ہے کس آستانے کے لیے
ان کا وعدہ اور مجھے اس پر یقیں اے ہم نشیں
اک بہانہ ہے تڑپنے تلملانے کے لیے
جب سے پہرہ ضبط کا ہے آنسوؤں کی فصل پر
ہو گئیں محتاج آنکھیں دانے دانے کے لیے
آخری امید وقت نزع ان کی دید تھی
موت کو بھی مل گیا فقرہ نہ آنے کے لیے
اللہ اللہ دوست کو میری تباہی پر یہ ناز
سوئے دشمن دیکھتا ہے داد پانے کے لیے
نعمت غم میرا حصہ مجھ کو دے دے اے خدا
جمع رکھ میری خوشی سارے زمانے کے لیے
نسخۂ ہستی میں عبرت کے سوا کیا تھا حفیظؔ
سرخیاں کچھ مل گئیں اپنے فسانے کے لیے