अर्ज़-ए-हुनर भी वज्ह-ए-शिकायात हो गई
छोटा सा मुँह था मुझ से बड़ी बात हो गई
दुश्नाम का जवाब न सूझा ब-जुज़-सलाम
ज़ाहिर मिरे कलाम की औक़ात हो गई
देखा जो खा के तीर कमीं-गाह की तरफ़
अपने ही दोस्तों से मुलाक़ात हो गई
या ज़रबत-ए-ख़लील से बुत-ख़ाना चीख़ उठा
या पत्थरों को मअरिफ़त-ए-ज़ात हो गई
यरान-ए-बे-बिसात कि हर बाज़ी-ए-हयात
खेले बग़ैर हार गए मात हो गई
बे-रज़्म दिन गुज़ार लिया रतजगा मनाओ
ऐ अहल-ए-बज़्म जाग उठो रात हो गई
निकले जो मय-कदे से तो मस्जिद था हर मक़ाम
हर गाम पर तलाफ़ी-ए-माफ़ात हो गई
हद्द-ए-अमल में थी तो अमल थी यही शराब
रद्द-ए-अमल बनी तो मुकाफ़ात हो गई
अब शुक्र ना-क़ुबूल है शिकवा फ़ुज़ूल है
जैसे भी हो गई बसर-औक़ात हो गई
वो ख़ुश-नसीब तुम से मुलाक़ात क्यूँ करे
दरबान ही से जिस की मुदारात हो गई
हर एक रहनुमा से बिछड़ना पड़ा मुझे
हर मोड़ पर कोई न कोई घात हो गई
यारों की बरहमी पे हँसी आ गई 'हफ़ीज़'
ये मुझ से एक और बुरी बात हो गई
arz-e-hunar bhī vaj.h-e-shikāyāt ho ga.ī
chhoTā sā muñh thā mujh se baḌī baat ho ga.ī
dushnām kā javāb na sūjhā ba-juz-salām
zāhir mire kalām kī auqāt ho ga.ī
dekhā jo khā ke tiir kamīñ-gāh kī taraf
apne hī dostoñ se mulāqāt ho ga.ī
yā zarbat-e-ḳhalīl se but-ḳhāna chīḳh uThā
yā pattharoñ ko ma.arifat-e-zāt ho ga.ī
yārān-e-be-bisāt ki har bāzī-e-hayāt
khele baġhair haar ga.e maat ho ga.ī
be-razm din guzār liyā ratjagā manāo
ai ahl-e-bazm jaag uTho raat ho ga.ī
nikle jo mai-kade se to masjid thā har maqām
har gaam par talāfi-e-māfāt ho ga.ī
hadd-e-amal meñ thī to amal thī yahī sharāb
radd-e-amal banī to mukāfāt ho ga.ī
ab shukr nā-qubūl hai shikva fuzūl hai
jaise bhī ho ga.ī basar-auqāt ho ga.ī
vo ḳhush-nasīb tum se mulāqāt kyuuñ kare
darbān hī se jis kī mudārāt ho ga.ī
har ek rahnumā se bichhaḌnā paḌā mujhe
har moḌ par koī na koī ghaat ho ga.ī
yāroñ kī barhamī pe hañsī aa ga.ī 'hafīz'
ye mujh se ek aur burī baat ho ga.ī
عرض ہنر بھی وجہ شکایات ہو گئی
چھوٹا سا منہ تھا مجھ سے بڑی بات ہو گئی
دشنام کا جواب نہ سوجھا بجز سلام
ظاہر مرے کلام کی اوقات ہو گئی
دیکھا جو کھا کے تیر کمیں گاہ کی طرف
اپنے ہی دوستوں سے ملاقات ہو گئی
یا ضربت خلیل سے بت خانہ چیخ اٹھا
یا پتھروں کو معرفت ذات ہو گئی
یاران بے بساط کہ ہر بازئ حیات
کھیلے بغیر ہار گئے مات ہو گئی
بے رزم دن گزار لیا رتجگا مناؤ
اے اہل بزم جاگ اٹھو رات ہو گئی
نکلے جو میکدے سے تو مسجد تھا ہر مقام
ہر گام پر تلافئ مافات ہو گئی
حد عمل میں تھی تو عمل تھی یہی شراب
رد عمل بنی تو مکافات ہو گئی
اب شکر ناقبول ہے شکوہ فضول ہے
جیسے بھی ہو گئی بسر اوقات ہو گئی
وہ خوش نصیب تم سے ملاقات کیوں کرے
دربان ہی سے جس کی مدارات ہو گئی
ہر ایک رہنما سے بچھڑنا پڑا مجھے
ہر موڑ پر کوئی نہ کوئی گھات ہو گئی
یاروں کی برہمی پہ ہنسی آ گئی حفیظؔ
یہ مجھ سے ایک اور بری بات ہو گئی