ये कैफ़ कैफ़-ए-मोहब्बत है कोई क्या जाने
छलक रहे हैं निगाहों में दिल के पैमाने
कहानियों ही पे बुनियाद है हक़ीक़त की
हक़ीक़तों ही से पैदा हुए हैं अफ़्साने
न अब वो आतिश-ए-नमरूद है न शो'ला-ए-तूर
तिरी निगाह को क्या हो गया ख़ुदा जाने
हज़ार तेरी मोहब्बत ने रहनुमाई की
गुज़र सके न मक़ाम-ए-जुनूँ से दीवाने
उन्ही को हासिल-ए-यक-शहर-ए-आरज़ू कहिए
मिरी निगाह में आबाद हैं जो वीराने
तुझे ख़बर भी है इस दौर-ए-ख़स्ता-हाली में
ख़ुद अहल-ए-दिल हैं मज़ाक़-ए-वफ़ा से बेगाने
जुनूँ फ़रेब-ए-ख़िरद है ख़िरद फ़रेब-ए-नज़र
मुझे कहीं का न रक्खा मिरी तमन्ना ने
ye kaif kaif-e-mohabbat hai koī kyā jaane
chhalak rahe haiñ nigāhoñ meñ dil ke paimāne
kahāniyoñ hī pe buniyād hai haqīqat kī
haqīqatoñ hī se paidā hue haiñ afsāne
na ab vo ātish-e-namrūd hai na sho.ala-e-tūr
tirī nigāh ko kyā ho gayā ḳhudā jaane
hazār terī mohabbat ne rahnumā.ī kī
guzar sake na maqām-e-junūñ se dīvāne
unhī ko hāsil-e-yak-shahr-e-ārzū kahiye
mirī nigāh meñ ābād haiñ jo vīrāne
tujhe ḳhabar bhī hai is daur-e-ḳhasta-hālī meñ
ḳhud ahl-e-dil haiñ mazāq-e-vafā se begāne
junūñ fareb-e-ḳhirad hai ḳhirad fareb-e-nazar
mujhe kahīñ kā na rakkhā mirī tamannā ne
یہ کیف کیف محبت ہے کوئی کیا جانے
چھلک رہے ہیں نگاہوں میں دل کے پیمانے
کہانیوں ہی پہ بنیاد ہے حقیقت کی
حقیقتوں ہی سے پیدا ہوئے ہیں افسانے
نہ اب وہ آتش نمرود ہے نہ شعلۂ طور
تری نگاہ کو کیا ہو گیا خدا جانے
ہزار تیری محبت نے رہنمائی کی
گزر سکے نہ مقام جنوں سے دیوانے
انہی کو حاصل یک شہر آرزو کہیے
مری نگاہ میں آباد ہیں جو ویرانے
تجھے خبر بھی ہے اس دور خستہ حالی میں
خود اہل دل ہیں مذاق وفا سے بیگانے
جنوں فریب خرد ہے خرد فریب نظر
مجھے کہیں کا نہ رکھا مری تمنا نے