बे-नियाज़ी से मुदारात से डर लगता है
जाने क्या बात है हर बात से डर लगता है
साग़र-ए-बादा-ए-गुल-रंग तो कुछ दूर नहीं
निगह-ए-पीर-ए-ख़राबात से डर लगता है
दिल पे खाई हुई इक चोट उभर आती है
तेरे दीवाने को बरसात से डर लगता है
ऐ दिल अफ़साना-ए-आग़ाज़-ए-वफ़ा रहने दे
मुझ को बीते हुए लम्हात से डर लगता है
हाथ से ज़ब्त का दामन न कहीं छुट जाए
आप की पुर्सिश-ए-हालात से डर लगता है
मैं जो उस बज़्म में जाता नहीं 'अशअर' मुझ को
अपने सहमे हुए जज़्बात से डर लगता है
be-niyāzī se mudārāt se Dar lagtā hai
jaane kyā baat hai har baat se Dar lagtā hai
sāġhar-e-bāda-e-gul-rañg to kuchh duur nahīñ
nigah-e-pīr-e-ḳharābāt se Dar lagtā hai
dil pe khaa.ī huī ik choT ubhar aatī hai
tere dīvāne ko barsāt se Dar lagtā hai
ai dil afsāna-e-āġhāz-e-vafā rahne de
mujh ko biite hue lamhāt se Dar lagtā hai
haath se zabt kā dāman na kahīñ chhuT jaa.e
aap kī pursish-e-hālāt se Dar lagtā hai
maiñ jo us bazm meñ jaatā nahīñ 'ash.ar' mujh ko
apne sahme hue jazbāt se Dar lagtā hai
بے نیازی سے مدارات سے ڈر لگتا ہے
جانے کیا بات ہے ہر بات سے ڈر لگتا ہے
ساغر بادۂ گل رنگ تو کچھ دور نہیں
نگہ پیر خرابات سے ڈر لگتا ہے
دل پہ کھائی ہوئی اک چوٹ ابھر آتی ہے
تیرے دیوانے کو برسات سے ڈر لگتا ہے
اے دل افسانۂ آغاز وفا رہنے دے
مجھ کو بیتے ہوئے لمحات سے ڈر لگتا ہے
ہاتھ سے ضبط کا دامن نہ کہیں چھٹ جائے
آپ کی پرسش حالات سے ڈر لگتا ہے
میں جو اس بزم میں جاتا نہیں اشعرؔ مجھ کو
اپنے سہمے ہوئے جذبات سے ڈر لگتا ہے