ये जो हर सम्त तिरे नेज़े की शोहरत है बहुत
सच तो ये है कि मरे सर की बदौलत है बहुत
चश्मा-ए-चशम के पानी से नहीं होगा कुछ
ख़ाक-ए-सहरा है इसे ख़ूँ की ज़रूरत है बहुत
मैं तो इक आँख हूँ आवाज़ से मुझ को न डरा
ये तिरे जलवा-ए-सद-रंग की दहशत है बहुत
बुत-ए-मअनी भी मआ'नी के पुजारी भी गए
आ कि अब मअ'बद-ए-अल्फ़ाज़ में ख़ल्वत है बहुत
ख़ाक ही शहर-ओ-बयाबाँ की अगर दौलत है
तो ये आवारा तिरा साहब-ए-सरवत है बहुत
ye jo har samt tire neze kī shohrat hai bahut
sach to ye hai ki mare sar kī badaulat hai bahut
chashma-e-chashm ke paanī se nahīñ hogā kuchh
ḳhāk-e-sahrā hai ise ḳhuuñ kī zarūrat hai bahut
maiñ to ik aañkh huuñ āvāz se mujh ko na Darā
ye tire jalva-e-sad-rang kī dahshat hai bahut
but-e-ma.anī bhī ma.ānī ke pujārī bhī ga.e
aa ki ab ma.abad-e-alfāz meñ ḳhalvat hai bahut
ḳhaak hī shahr-o-bayābāñ kī agar daulat hai
to ye āvāra tirā sāhab-e-sarvat hai bahut
یہ جو ہر سمت ترے نیزے کی شہرت ہے بہت
سچ تو یہ ہے کہ مرے سر کی بدولت ہے بہت
چشمۂ چشم کے پانی سے نہیں ہوگا کچھ
خاک صحرا ہے اسے خوں کی ضرورت ہے بہت
میں تو اک آنکھ ہوں آواز سے مجھ کو نہ ڈرا
یہ ترے جلوۂ صد رنگ کی دہشت ہے بہت
بت معنی بھی معانی کے پجاری بھی گئے
آ کہ اب معبد الفاظ میں خلوت ہے بہت
خاک ہی شہر و بیاباں کی اگر دولت ہے
تو یہ آوارہ ترا صاحب ثروت ہے بہت