अजीब ख़ामुशी है ग़ुल मचाती रहती है
ये आसमान ही सर पर उठाती रहती है
किया है इश्क़ तो साबित-क़दम भी रहना सीख
मियाँ ये हिज्र की आफ़त तो आती रहती है
ये जो है आज ख़राबा कभी चमन था क्या
यहाँ तो एक मगस भिनभिनाती रहती है
डरो नहीं ये कोई साँप ज़ेर-ए-काह नहीं
हवा है और वही सरसराती रहती है
मिरे ही वास्ते मंज़र ज़ुहूर करते हैं
मिरी ही आँख यहाँ जगमगाती रहती है
हवा अगरचे बहुत तेज़ है मगर फिर भी
मैं ख़ाक हूँ ये मिरे काम आती रहती है
ये कैसी चश्म-ए-तख़य्युल है ऊँघती भी नहीं
अजीब रंग के मंज़र बनाती रहती है
वो इक निगाह भी नेज़े से कम नहीं यानी
हमारे ख़ून-ए-जिगर में नहाती रहती है
क़दम भी ख़ाक पे करते हैं कुछ न कुछ तहरीर
हवा की मौज भी उस को मिटाती रहती है
ajiib ḳhāmushī hai ġhul machātī rahtī hai
ye āsmān hī sar par uThātī rahtī hai
kiyā hai ishq to sābit-qadam bhī rahnā siikh
miyāñ ye hijr kī aafat to aatī rahtī hai
ye jo hai aaj ḳharāba kabhī chaman thā kyā
yahāñ to ek magas bhinbhinātī rahtī hai
Daro nahīñ ye koī saañp zer-e-kāh nahīñ
havā hai aur vahī sarsarātī rahtī hai
mire hī vāste manzar zuhūr karte haiñ
mirī hī aañkh yahāñ jagmagātī rahtī hai
havā agarche bahut tez hai magar phir bhī
maiñ ḳhaak huuñ ye mire kaam aatī rahtī hai
ye kaisī chashm-e-taḳhayyul hai ūñghtī bhī nahīñ
ajiib rañg ke manzar banātī rahtī hai
vo ik nigāh bhī neze se kam nahīñ ya.anī
hamāre ḳhūn-e-jigar meñ nahātī rahtī hai
qadam bhī ḳhaak pe karte haiñ kuchh na kuchh tahrīr
havā kī mauj bhī us ko miTātī rahtī hai
عجیب خامشی ہے غل مچاتی رہتی ہے
یہ آسمان ہی سر پر اٹھاتی رہتی ہے
کیا ہے عشق تو ثابت قدم بھی رہنا سیکھ
میاں یہ ہجر کی آفت تو آتی رہتی ہے
یہ جو ہے آج خرابہ کبھی چمن تھا کیا
یہاں تو ایک مگس بھنبھناتی رہتی ہے
ڈرو نہیں یہ کوئی سانپ زیر کاہ نہیں
ہوا ہے اور وہی سرسراتی رہتی ہے
مرے ہی واسطے منظر ظہور کرتے ہیں
مری ہی آنکھ یہاں جگمگاتی رہتی ہے
ہوا اگرچہ بہت تیز ہے مگر پھر بھی
میں خاک ہوں یہ مرے کام آتی رہتی ہے
یہ کیسی چشم تخیل ہے اونگھتی بھی نہیں
عجیب رنگ کے منظر بناتی رہتی ہے
وہ اک نگاہ بھی نیزے سے کم نہیں یعنی
ہمارے خون جگر میں نہاتی رہتی ہے
قدم بھی خاک پہ کرتے ہیں کچھ نہ کچھ تحریر
ہوا کی موج بھی اس کو مٹاتی رہتی ہے