ये हुनर तो तिरी तख़्लीक़ की तशहीर से है
कोई दीवार से है और कोई तस्वीर से है
उस के इंकार से ज़िंदान की बू आएगी
उस के लहजे में तवाज़ुन किसी ज़ंजीर से है
आप का और मिरा क्या कोई त’आरुफ़ भी नहीं
जो यहाँ हो रहा है क्या सभी तक़दीर से है
जब तू चमका तो ज़िया बाँटी गई दुनिया में
रौशनी को भी बसारत तिरी तनवीर से है
बाप ने बच्चों को इस तरह निशाँ बतलाए
ये विरासत से मिली और ये शमशीर से है
रब्त-ए-तरतीब की इक शक्ल है जैसे कि 'ज़मान'
नींद को ख़्वाब से है ख़्वाब को ता'बीर से है
ye hunar to tirī taḳhlīq kī tash.hīr se hai
koī dīvār se hai aur koī tasvīr se hai
us ke inkār se zindān kī bū aa.egī
us ke lahje meñ tavāzun kisī zanjīr se hai
aap kā aur mirā kyā koī ta’āruf bhī nahīñ
jo yahāñ ho rahā hai kyā sabhī taqdīr se hai
jab tū chamkā to ziyā bāñTī ga.ī duniyā meñ
raushnī ko bhī basārat tirī tanvīr se hai
baap ne bachchoñ ko is tarh nishāñ batlā.e
ye virāsat se milī aur ye shamshīr se hai
rabt-e-tartīb kī ik shakl hai jaise ki 'zamān'
niiñd ko ḳhvāb se hai ḳhvāb ko ta.abīr se hai
یہ ہنر تو تری تخلیق کی تشہیر سے ہے
کوئی دیوار سے ہے اور کوئی تصویر سے ہے
اس کے انکار سے زندان کی بو آئے گی
اس کے لہجے میں توازن کسی زنجیر سے ہے
آپ کا اور مرا کیا کوئی تعارف بھی نہیں
جو یہاں ہو رہا ہے کیا سبھی تقدیر سے ہے
جب تو چمکا تو ضیا بانٹی گئی دنیا میں
روشنی کو بھی بصارت تری تنویر سے ہے
باپ نے بچوں کو اس طرح نشاں بتلائے
یہ وراثت سے ملی اور یہ شمشیر سے ہے
ربط ترتیب کی اک شکل ہے جیسے کہ زمانؔ
نیند کو خواب سے ہے خواب کو تعبیر سے ہے