ये है कौन सी हिकायत ये है कौन सा तराना
न शिकायत-ए-ग़म-ए-दिल न हिकायत-ए-ज़माना
वो असर भरी नसीहत वो कलाम-ए-आरिफ़ाना
कि लगा रहा हो जैसे कोई दिल पे ताज़ियाना
जिसे काफ़िरी से रग़बत जिसे ज़ौक़-ए-मुल्हिदाना
उसे क्यूँ पसंद आए रह-ओ-रस्म-ए-मोमिनाना
है सितम की धुंद छाई है जफ़ा की फ़स्ल आई
है चमन पे ऐसा पहरा कि क़फ़स है आशियाना
मुझे याद आ रही हैं तिरी महफ़िलों की बातें
वो शिकायतों का दफ़्तर वो हिकायत-ए-शबाना
तिरे हुक्म से अलग हो तिरे नूर से जुदा हो
मिरी ज़िंदगी में बाक़ी नहीं ऐसा कोई ख़ाना
नज़र-ए-करम से मुझ को कभी देख ले वो शायद
मिरे दिल की आरज़ू है वो जमाल-ए-जावेदाना
है 'उरूज' ये सआ'दत ये है जेल की मसर्रत
कि तिहाड़ में अदा हो तिरी ईद का दोगाना
ye hai kaun sī hikāyat ye hai kaun sā tarāna
na shikāyat-e-ġham-e-dil na hikāyat-e-zamāna
vo asar bharī nasīhat vo kalām-e-ārifāna
ki lagā rahā ho jaise koī dil pe tāziyāna
jise kāfirī se raġhbat jise zauq-e-mulhidāna
use kyuuñ pasand aa.e rah-o-rasm-e-momināna
hai sitam kī dhund chhā.ī hai jafā kī fasl aa.ī
hai chaman pe aisā pahrā ki qafas hai āshiyāna
mujhe yaad aa rahī haiñ tirī mahfiloñ kī bāteñ
vo shikāyatoñ kā daftar vo hikāyat-e-shabāna
tire hukm se alag ho tire nuur se judā ho
mirī zindagī meñ baaqī nahīñ aisā koī ḳhāna
nazar-e-karam se mujh ko kabhī dekh le vo shāyad
mire dil kī aarzū hai vo jamāl-e-jāvedāna
hai 'urūj' ye sa.ādat ye hai jail kī masarrat
ki tihāḌ meñ adā ho tirī iid kā dogānā
یہ ہے کون سی حکایت یہ ہے کون سا ترانہ
نہ شکایت غم دل نہ حکایت زمانہ
وہ اثر بھری نصیحت وہ کلام عارفانہ
کہ لگا رہا ہو جیسے کوئی دل پہ تازیانہ
جسے کافری سے رغبت جسے ذوق ملحدانہ
اسے کیوں پسند آئے رہ و رسم مومنانہ
ہے ستم کی دھند چھائی ہے جفا کی فصل آئی
ہے چمن پہ ایسا پہرا کہ قفس ہے آشیانہ
مجھے یاد آ رہی ہیں تری محفلوں کی باتیں
وہ شکایتوں کا دفتر وہ حکایت شبانہ
ترے حکم سے الگ ہو ترے نور سے جدا ہو
مری زندگی میں باقی نہیں ایسا کوئی خانہ
نظر کرم سے مجھ کو کبھی دیکھ لے وہ شاید
مرے دل کی آرزو ہے وہ جمال جاودانہ
ہے عروجؔ یہ سعادت یہ ہے جیل کی مسرت
کہ تہاڑ میں ادا ہو تری عید کا دوگانہ