आ गया वक़्त कि हो दावत-ए-आम ऐ साक़ी
भेज दे चारों तरफ़ अपना पयाम ऐ साक़ी
खींच लाएगा हज़ारों को तिरे पास यहाँ
ये तिरा हुस्न-ए-नज़र हुस्न-ए-कलाम ऐ साक़ी
घर लुटाने की नहीं घर को बचाने की है फ़िक्र
किस क़दर इश्क़ है मेरा अभी ख़ाम ऐ साक़ी
कासा-ए-दिल है तिरे सामने उस को भर दे
मय-ए-अंगूर तो है मुझ पे हराम ऐ साक़ी
उन से बचना है तिरे लुत्फ़-ओ-करम पर मौक़ूफ़
हैं रह-ए-इश्क़ में फैले हुए दाम ऐ साक़ी
कब नए नज़्म से दुनिया को मिलेगी राहत
कितना मोहलिक है ये फ़र्सूदा निज़ाम ऐ साक़ी
दूर गोशे में है उफ़्तादा-ओ-दिल-गीर 'उरूज'
आ कभी उस की तरफ़ बादा-ब-जाम ऐ साक़ी
aa gayā vaqt ki ho dāvat-e-ām ai saaqī
bhej de chāroñ taraf apnā payām ai saaqī
khīñch lā.egā hazāroñ ko tire paas yahāñ
ye tirā husn-e-nazar husn-e-kalām ai saaqī
ghar luTāne kī nahīñ ghar ko bachāne kī hai fikr
kis qadar ishq hai merā abhī ḳhaam ai saaqī
kāsa-e-dil hai tire sāmne us ko bhar de
mai-e-añgūr to hai mujh pe harām ai saaqī
un se bachnā hai tire lutf-o-karam par mauqūf
haiñ rah-e-ishq meñ phaile hue daam ai saaqī
kab na.e nazm se duniyā ko milegī rāhat
kitnā mohlik hai ye farsūda nizām ai saaqī
duur goshe meñ hai uftāda-o-dil-gīr 'urūj'
aa kabhī us kī taraf bāda-ba-jām ai saaqī
آ گیا وقت کہ ہو دعوت عام اے ساقی
بھیج دے چاروں طرف اپنا پیام اے ساقی
کھینچ لائے گا ہزاروں کو ترے پاس یہاں
یہ ترا حسن نظر حسن کلام اے ساقی
گھر لٹانے کی نہیں گھر کو بچانے کی ہے فکر
کس قدر عشق ہے میرا ابھی خام اے ساقی
کاسۂ دل ہے ترے سامنے اس کو بھر دے
مے انگور تو ہے مجھ پہ حرام اے ساقی
ان سے بچنا ہے ترے لطف و کرم پر موقوف
ہیں رہ عشق میں پھیلے ہوئے دام اے ساقی
کب نئے نظم سے دنیا کو ملے گی راحت
کتنا مہلک ہے یہ فرسودہ نظام اے ساقی
دور گوشے میں ہے افتادہ و دلگیر عروجؔ
آ کبھی اس کی طرف بادہ بہ جام اے ساقی