हो जाते हैं जब अपने मरीज़ों से ख़फ़ा और
करते हैं वो ईजाद सितम और जफ़ा और
ऐ ज़ुल्म सरापा कभी इस पर भी नज़र कर
क्या मेरा ख़ुदा और है तेरा है ख़ुदा और
मुश्किल है बताना कि है क्या फ़र्क़ मगर है
लैला की अदा और है मजनूँ की अदा और
तस्लीम कि दुनिया ही में है जेल भी लेकिन
अंदर की फ़ज़ा और है बाहर की फ़ज़ा और
कहता है ये क़ैदी कि हवा एक नहीं है
बाहर की हवा और है अंदर की हवा और
मोमिन के लिए जेल है दुनिया-ए-दुनी भी
दुनिया की फ़ज़ा और है उक़्बा की फ़ज़ा और
बीमार-ए-मसर्रत की दवा ऐश की लज़्ज़त
बीमार-ए-मोहब्बत का मरज़ और दवा और
अल्लाह करे तुझ को तिरे नूर से आगाह
महफ़िल का दिया और तिरे दिल का दिया और
अंजाम-ए-मोहब्बत से उरूज अपने है वाक़िफ़
ता-ज़ीस्त है क़िस्मत में जफ़ा और बला और
ho jaate haiñ jab apne marīzoñ se ḳhafā aur
karte haiñ vo ījād sitam aur jafā aur
ai zulm sarāpā kabhī is par bhī nazar kar
kyā merā ḳhudā aur hai terā hai ḳhudā aur
mushkil hai batānā ki hai kyā farq magar hai
lailā kī adā aur hai majnūñ kī adā aur
taslīm ki duniyā hī meñ hai jail bhī lekin
andar kī fazā aur hai bāhar kī fazā aur
kahtā hai ye qaidī ki havā ek nahīñ hai
bāhar kī havā aur hai andar kī havā aur
momin ke liye jail hai duniyā-e-dunī bhī
duniyā kī fazā aur hai uqbā kī fazā aur
bīmār-e-masarrat kī davā aish kī lazzat
bīmār-e-mohabbat kā maraz aur davā aur
allāh kare tujh ko tire nuur se āgāh
mahfil kā diyā aur tire dil kā diyā aur
anjām-e-mohabbat se uruuj apne hai vāqif
tā-zīst hai qismat meñ jafā aur balā aur
ہو جاتے ہیں جب اپنے مریضوں سے خفا اور
کرتے ہیں وہ ایجاد ستم اور جفا اور
اے ظلم سراپا کبھی اس پر بھی نظر کر
کیا میرا خدا اور ہے تیرا ہے خدا اور
مشکل ہے بتانا کہ ہے کیا فرق مگر ہے
لیلیٰ کی ادا اور ہے مجنوں کی ادا اور
تسلیم کہ دنیا ہی میں ہے جیل بھی لیکن
اندر کی فضا اور ہے باہر کی فضا اور
کہتا ہے یہ قیدی کہ ہوا ایک نہیں ہے
باہر کی ہوا اور ہے اندر کی ہوا اور
مومن کے لئے جیل ہے دنیائے دنی بھی
دنیا کی فضا اور ہے عقبیٰ کی فضا اور
بیمار مسرت کی دوا عیش کی لذت
بیمار محبت کا مرض اور دوا اور
اللہ کرے تجھ کو ترے نور سے آگاہ
محفل کا دیا اور ترے دل کا دیا اور
انجام محبت سے عروج اپنے ہے واقف
تا زیست ہے قسمت میں جفا اور بلا اور