हयात है मिरे दिल की किसी की ज़िंदा याद
उसी से है ये दरख़्शाँ उसी से है आबाद
वफ़ा न हो तो मोहब्बत का ए'तिबार नहीं
जफ़ा न हो तो है ये दिलबरी भी बे-बुनियाद
तमाम जिस्म है फ़ासिद तमाम जिस्म ख़राब
अगर न जाए किसी आदमी के दिल का फ़साद
अब एक क़िस्सा-ए-माज़ी है ज़ुल्म-ए-चंगेज़ी
कि हो गए हैं नई क़िस्म के सितम ईजाद
मुझे बताओ जगह वो जहाँ मिले मुझ को
जिगर का सोज़ नज़र का हिजाब दिल की कुशाद
मिरे यक़ीं की है बुनियाद अक़्ल से मोहकम
तुम्हारे शक्क-ओ-तरद्दुद की सुस्त है बुनियाद
'उरूज' फ़िक्र-ए-असीरी से ज़ेहन ख़ाली कर
बला से जिस्म है महबूस दिल तो है आज़ाद
hayāt hai mire dil kī kisī kī zinda yaad
usī se hai ye daraḳhshāñ usī se hai ābād
vafā na ho to mohabbat kā e'tibār nahīñ
jafā na ho to hai ye dilbarī bhī be-buniyād
tamām jism hai fāsid tamām jism ḳharāb
agar na jaa.e kisī aadmī ke dil kā fasād
ab ek qissa-e-māzī hai zulm-e-chañgezī
ki ho ga.e haiñ na.ī qism ke sitam ījād
mujhe batāo jagah vo jahāñ mile mujh ko
jigar kā soz nazar kā hijāb dil kī kushād
mire yaqīñ kī hai buniyād aql se mohkam
tumhāre shakk-o-taraddud kī sust hai buniyād
'urūj' fikr-e-asīrī se zehn ḳhālī kar
balā se jism hai mahbūs dil to hai āzād
حیات ہے مرے دل کی کسی کی زندہ یاد
اسی سے ہے یہ درخشاں اسی سے ہے آباد
وفا نہ ہو تو محبت کا اعتبار نہیں
جفا نہ ہو تو ہے یہ دلبری بھی بے بنیاد
تمام جسم ہے فاسد تمام جسم خراب
اگر نہ جائے کسی آدمی کے دل کا فساد
اب ایک قصۂ ماضی ہے ظلم چنگیزی
کہ ہو گئے ہیں نئی قسم کے ستم ایجاد
مجھے بتاؤ جگہ وہ جہاں ملے مجھ کو
جگر کا سوز نظر کا حجاب دل کی کشاد
مرے یقیں کی ہے بنیاد عقل سے محکم
تمہارے شک و تردد کی سست ہے بنیاد
عروجؔ فکر اسیری سے ذہن خالی کر
بلا سے جسم ہے محبوس دل تو ہے آزاد