ये फ़िक्र-ओ-फ़न के फ़ित्ने लोग अब अक्सर उठाते हैं
उजाले में तो सुब्हा रात में साग़र उठाते हैं
नहीं है ताक़त-ए-परवाज़ लेकिन हौसला तो है
निगाहें आसमाँ पे रख के बाल-ओ-पर उठाते हैं
ये माना हम ने सब्र-ओ-ज़ब्त के आदी हैं हम लेकिन
सितम हद से गुज़र जाए तो फिर ख़ंजर उठाते हैं
कभी ठोकर नहीं खाते वो इस दुनिया-ए-फ़ानी में
जो अपना हर क़दम मौला की मर्ज़ी पर उठाते हैं
हुआ है क़त्ल मुफ़्लिस के दिल-ए-अरमाँ का दुनिया में
तमन्नाएँ थी फूलों की मगर पत्थर उठाते हैं
ज़माने का चलन है इस तरह बदला हुआ 'वाक़िफ़'
झुका के सर जो चलते थे वही अब सर उठाते हैं
ye fikr-o-fan ke fitne log ab aksar uThāte haiñ
ujāle meñ to sub.ha raat meñ sāġhar uThāte haiñ
nahīñ hai tāqat-e-parvāz lekin hausla to hai
nigāheñ āsmāñ pe rakh ke bāl-o-par uThāte haiñ
ye maanā ham ne sabr-o-zabt ke aadī haiñ ham lekin
sitam had se guzar jaa.e to phir ḳhanjar uThāte haiñ
kabhī Thokar nahīñ khāte vo is duniyā-e-fānī meñ
jo apnā har qadam maulā kī marzī par uThāte haiñ
huā hai qatl muflis ke dil-e-armāñ kā duniyā meñ
tamannā.eñ thī phūloñ kī magar patthar uThāte haiñ
zamāne kā chalan hai is tarah badlā huā 'vāqif'
jhukā ke sar jo chalte the vahī ab sar uThāte haiñ
یہ فکر و فن کے فتنے لوگ اب اکثر اٹھاتے ہیں
اجالے میں تو سبحہ رات میں ساغر اٹھاتے ہیں
نہیں ہے طاقت پرواز لیکن حوصلہ تو ہے
نگاہیں آسماں پہ رکھ کے بال و پر اٹھاتے ہیں
یہ مانا ہم نے صبر و ضبط کے عادی ہیں ہم لیکن
ستم حد سے گزر جائے تو پھر خنجر اٹھاتے ہیں
کبھی ٹھوکر نہیں کھاتے وہ اس دنیائے فانی میں
جو اپنا ہر قدم مولا کی مرضی پر اٹھاتے ہیں
ہوا ہے قتل مفلس کے دل ارماں کا دنیا میں
تمنائیں تھی پھولوں کی مگر پتھر اٹھاتے ہیں
زمانے کا چلن ہے اس طرح بدلا ہوا واقفؔ
جھکا کے سر جو چلتے تھے وہی اب سر اٹھاتے ہیں