हम से ये क़त्ल के मंज़र नहीं देखे जाते
शाह-राहों पे कटे सर नहीं देखे जाते
जब कफ़न बाँध के निकले हो शहादत के लिए
फिर पलट कर तो कभी घर नहीं देखे जाते
फ़िक्र का काश दरीचा ही कोई खुल जाए
ज़ेह्न इंसानों के बंजर नहीं देखे जाते
हम ने हँसते हुए फूलों में गुज़ारी है हयात
हम से बर्बादी के मंज़र नहीं देखे जाते
देख लेने से भी होती है तसल्ली दिल को
आइने हाथ से छू कर नहीं देखे जाते
ग़म की राहों से भी हँसते हुए गुज़रो 'वाक़िफ़'
राह में ख़ार या पत्थर नहीं देखे जाते
ham se ye qatl ke manzar nahīñ dekhe jaate
shāh-rāhoñ pe kaTe sar nahīñ dekhe jaate
jab kafan bāñdh ke nikle ho shahādat ke liye
phir palaT kar to kabhī ghar nahīñ dekhe jaate
fikr kā kaash darīcha hī koī khul jaa.e
zehn insānoñ ke banjar nahīñ dekhe jaate
ham ne hañste hue phūloñ meñ guzārī hai hayāt
ham se barbādī ke manzar nahīñ dekhe jaate
dekh lene se bhī hotī hai tasallī dil ko
aa.ine haath se chhū kar nahīñ dekhe jaate
ġham kī rāhoñ se bhī hañste hue guzro 'vāqif'
raah meñ ḳhaar yā patthar nahīñ dekhe jaate
ہم سے یہ قتل کے منظر نہیں دیکھے جاتے
شاہراہوں پہ کٹے سر نہیں دیکھے جاتے
جب کفن باندھ کے نکلے ہو شہادت کے لئے
پھر پلٹ کر تو کبھی گھر نہیں دیکھے جاتے
فکر کا کاش دریچہ ہی کوئی کھل جائے
ذہن انسانوں کے بنجر نہیں دیکھے جاتے
ہم نے ہنستے ہوئے پھولوں میں گزاری ہے حیات
ہم سے بربادی کے منظر نہیں دیکھے جاتے
دیکھ لینے سے بھی ہوتی ہے تسلی دل کو
آئنے ہاتھ سے چھو کر نہیں دیکھے جاتے
غم کی راہوں سے بھی ہنستے ہوئے گزرو واقفؔ
راہ میں خار یا پتھر نہیں دیکھے جاتے