ये छोटा सा मकाँ बग़िया लगाने कौन देता है
दर-ओ-दीवार पर सब्ज़ा उगाने कौन देता है
कभी नाज़ाँ थे हम आँसू बहाने कौन देता है
मगर ऐ चश्म-ए-नम अब मुस्कुराने कौन देता है
मिरी आँखों को ये सपने सुहाने कौन देता है
वो आएगा दिलासे दिल को जाने कौन देता है
पता चलता है कैसे मेरे उन के छुप के मिलने का
ख़बर तुझ को हमारी ऐ ज़माने कौन देता है
नहीं आना नहीं आना यही ज़िद है यही ज़िद है
वो आ तो जाएँ फिर देखूँ कि जाने कौन देता है
तुम्हें दिल में बसा रखा है मेरी सादगी देखो
ज़माने में किसी को सर छुपाने कौन देता है
ख़ुद अपने दिल से कह लेते हैं तन्हाई में ग़म अपना
तुम्हारे सामने दुखड़े सुनाने कौन देता है
ye chhoTā sā makāñ baġhiyā lagāne kaun detā hai
dar-o-dīvār par sabza ugāne kaun detā hai
kabhī nāzāñ the ham aañsū bahāne kaun detā hai
magar ai chashm-e-nam ab muskurāne kaun detā hai
mirī āñkhoñ ko ye sapne suhāne kaun detā hai
vo aa.egā dilāse dil ko jaane kaun detā hai
pata chaltā hai kaise mere un ke chhup ke milne kā
ḳhabar tujh ko hamārī ai zamāne kaun detā hai
nahīñ aanā nahīñ aanā yahī zid hai yahī zid hai
vo aa to jaa.eñ phir dekhūñ ki jaane kaun detā hai
tumheñ dil meñ basā rakhā hai merī sādgī dekho
zamāne meñ kisī ko sar chhupāne kaun detā hai
ḳhud apne dil se kah lete haiñ tanhā.ī meñ ġham apnā
tumhāre sāmne dukhḌe sunāne kaun detā hai
یہ چھوٹا سا مکاں بغیا لگانے کون دیتا ہے
در و دیوار پر سبزہ اگانے کون دیتا ہے
کبھی نازاں تھے ہم آنسو بہانے کون دیتا ہے
مگر اے چشم نم اب مسکرانے کون دیتا ہے
مری آنکھوں کو یہ سپنے سہانے کون دیتا ہے
وہ آئے گا دلاسے دل کو جانے کون دیتا ہے
پتہ چلتا ہے کیسے میرے ان کے چھپ کے ملنے کا
خبر تجھ کو ہماری اے زمانے کون دیتا ہے
نہیں آنا نہیں آنا یہی ضد ہے یہی ضد ہے
وہ آ تو جائیں پھر دیکھوں کہ جانے کون دیتا ہے
تمہیں دل میں بسا رکھا ہے میری سادگی دیکھو
زمانے میں کسی کو سر چھپانے کون دیتا ہے
خود اپنے دل سے کہہ لیتے ہیں تنہائی میں غم اپنا
تمہارے سامنے دکھڑے سنانے کون دیتا ہے