ये भूल जा कि हैं तेरे भी ग़म-गुसार बहुत
बनाना काग़ज़ी फूलों के ख़ुश्क हार बहुत
जो चश्म-ए-यार है होश-ओ-ख़िरद शिकार बहुत
दिल-ओ-नज़र पे हमें भी है इख़्तियार बहुत
हम अपने वक़्त की तस्वीर-ए-मस्ख़-सूरत हैं
दिखाए हम को न आईना रोज़गार बहुत
ख़ुदा वो वक़्त न लाए कि आज़माइश हो
तअ'ल्लुक़ात तुम्हीं से हैं उस्तुवार बहुत
किसी भी शाख़ पे जब मेरा आशियाँ न मिला
चमन में आज फिरी बर्क़ बे-क़रार बहुत
दिल-ए-तबाह की नैरंगियों का हाल न पूछ
गहे क़रार बहुत गाह बे-क़रार बहुत
हयात नाज़िश-ए-कौनैन हो तो क्या ग़म है
वो चार दिन की सही उम्र-ए-मुस्तआ'र बहुत
हमें तो अपनी वफ़ाओं का मिल रहा है सिला
जफ़ा-ओ-जौर पे वो क्यूँ हैं शर्मसार बहुत
बहुत दिनों से अब अपनी तलाश में गुम हैं
'रईस' छान चुके ख़ाक-ए-कू-ए-यार बहुत
ye bhuul jā ki haiñ tere bhī ġham-gusār bahut
banānā kāġhzī phūloñ ke ḳhushk haar bahut
jo chashm-e-yār hai hosh-o-ḳhirad shikār bahut
dil-o-nazar pe hameñ bhī hai iḳhtiyār bahut
ham apne vaqt kī tasvīr-e-masḳh-sūrat haiñ
dikhā.e ham ko na ā.īna rozgār bahut
ḳhudā vo vaqt na laa.e ki āzmā.ish ho
ta.alluqāt tumhīñ se haiñ ustuvār bahut
kisī bhī shāḳh pe jab merā āshiyāñ na milā
chaman meñ aaj phirī barq be-qarār bahut
dil-e-tabāh kī nairañgiyoñ kā haal na pūchh
gahe qarār bahut gaah be-qarār bahut
hayāt nāzish-e-kaunain ho to kyā ġham hai
vo chaar din kī sahī umr-e-musta.ār bahut
hameñ to apnī vafāoñ kā mil rahā hai sila
jafā-o-jaur pe vo kyuuñ haiñ sharmsār bahut
bahut dinoñ se ab apnī talāsh meñ gum haiñ
'ra.īs' chhān chuke ḳhāk-e-kū-e-yār bahut
یہ بھول جا کہ ہیں تیرے بھی غم گسار بہت
بنانا کاغذی پھولوں کے خشک ہار بہت
جو چشم یار ہے ہوش و خرد شکار بہت
دل و نظر پہ ہمیں بھی ہے اختیار بہت
ہم اپنے وقت کی تصویر مسخ صورت ہیں
دکھائے ہم کو نہ آئینہ روزگار بہت
خدا وہ وقت نہ لائے کہ آزمائش ہو
تعلقات تمہیں سے ہیں استوار بہت
کسی بھی شاخ پہ جب میرا آشیاں نہ ملا
چمن میں آج پھری برق بے قرار بہت
دل تباہ کی نیرنگیوں کا حال نہ پوچھ
گہے قرار بہت گاہ بے قرار بہت
حیات نازش کونین ہو تو کیا غم ہے
وہ چار دن کی سہی عمر مستعار بہت
ہمیں تو اپنی وفاؤں کا مل رہا ہے صلہ
جفا و جور پہ وہ کیوں ہیں شرمسار بہت
بہت دنوں سے اب اپنی تلاش میں گم ہیں
رئیسؔ چھان چکے خاک کوئے یار بہت