अब ये आलम है कि जिस शय पे नज़र जाती है
हू-ब-हू आप की तस्वीर नज़र आती है
ख़ुद को तारीख़ किसी वक़्त जो दोहराती है
मेरे हालात पे दुनिया को हँसा जाती है
याद-ए-अय्याम-ए-बहाराँ भी नहीं वज्ह-ए-सुकूँ
अब तो तज़ईन-ए-क़फ़स ही मुझे बहलाती है
बर्क़ बन बन के गिरी है मिरे दिल पर अक्सर
वो तजल्ली जो सर-ए-तूर नज़र आती है
आज कुछ उन की तवज्जोह में कमी पाता हूँ
ज़िंदगी मौत से दो-चार हुई जाती है
दिल भर आता है मिरा देख के नम आँख कोई
अपने रोने पे तो अब मुझ को हँसी आती है
मैं वो इक नंग-ए-ज़माना हूँ अज़ल ही से 'रईस'
ज़िंदगी है कि मिरे नाम से शरमाती है
ab ye aalam hai ki jis shai pe nazar jaatī hai
hū-ba-hū aap kī tasvīr nazar aatī hai
ḳhud ko tārīḳh kisī vaqt jo dohrātī hai
mere hālāt pe duniyā ko hañsā jaatī hai
yād-e-ayyām-e-bahārāñ bhī nahīñ vaj.h-e-sukūñ
ab to taz.īn-e-qafas hī mujhe bahlātī hai
barq ban ban ke girī hai mire dil par aksar
vo tajallī jo sar-e-tūr nazar aatī hai
aaj kuchh un kī tavajjoh meñ kamī paatā huuñ
zindagī maut se do-chār huī jaatī hai
dil bhar aatā hai mirā dekh ke nam aañkh koī
apne rone pe to ab mujh ko hañsī aatī hai
maiñ vo ik nañg-e-zamāna huuñ azal hī se 'ra.īs'
zindagī hai ki mire naam se sharmātī hai
اب یہ عالم ہے کہ جس شے پہ نظر جاتی ہے
ہو بہ ہو آپ کی تصویر نظر آتی ہے
خود کو تاریخ کسی وقت جو دہراتی ہے
میرے حالات پہ دنیا کو ہنسا جاتی ہے
یاد ایام بہاراں بھی نہیں وجہ سکوں
اب تو تزئین قفس ہی مجھے بہلاتی ہے
برق بن بن کے گری ہے مرے دل پر اکثر
وہ تجلی جو سر طور نظر آتی ہے
آج کچھ ان کی توجہ میں کمی پاتا ہوں
زندگی موت سے دو چار ہوئی جاتی ہے
دل بھر آتا ہے مرا دیکھ کے نم آنکھ کوئی
اپنے رونے پہ تو اب مجھ کو ہنسی آتی ہے
میں وہ اک ننگ زمانہ ہوں ازل ہی سے رئیسؔ
زندگی ہے کہ مرے نام سے شرماتی ہے