हयात-ए-इश्क़ की ख़ुर्शीद-सामानी नहीं जाती
मिटा जाता है दिल ज़र्रों की ताबानी नहीं जाती
जो कल तक खेल समझे थे हमें बर्बाद कर देना
अब उन मग़रूर नज़रों की पशेमानी नहीं जाती
हमीं पर लुत्फ़ की बारिश है लेकिन वाए-नादानी
हमीं से वो निगाह-ए-लुत्फ़ पहचानी नहीं जाती
वतन क्या जुरअत-ए-अहल-ए-जुनूँ से हो गया ख़ाली
ख़िरद की क़ुव्वत-ए-तज्दीद-ए-वीरानी नहीं जाती
बहार आई खिले ग़ुंचे मगर ऐ नाज़िम-ए-गुलशन
हमारे आशियाँ की शो'ला-सामानी नहीं जाती
मिरी सहबा की अज़्मत सिर्फ़ अहल-ए-दिल समझते हैं
पिए जाता हूँ लेकिन पाक-दामानी नहीं जाती
ये किस काफ़िर-अदा का जल्वा-ए-मासूम देखा है
'रईस' अब तक मिरी नज़रों की हैरानी नहीं जाती
hayāt-e-ishq kī ḳhurshīd-sāmānī nahīñ jaatī
miTā jaatā hai dil zarroñ kī tābānī nahīñ jaatī
jo kal tak khel samjhe the hameñ barbād kar denā
ab un maġhrūr nazroñ kī pashemānī nahīñ jaatī
hamīñ par lutf kī bārish hai lekin vā.e-nādānī
hamīñ se vo nigāh-e-lutf pahchānī nahīñ jaatī
vatan kyā jur.at-e-ahl-e-junūñ se ho gayā ḳhālī
ḳhirad kī quvvat-e-tajdīd-e-vīrānī nahīñ jaatī
bahār aa.ī khile ġhunche magar ai nāzim-e-gulshan
hamāre āshiyāñ kī sho.ala-sāmānī nahīñ jaatī
mirī sahbā kī azmat sirf ahl-e-dil samajhte haiñ
piye jaatā huuñ lekin pāk-dāmānī nahīñ jaatī
ye kis kāfir-adā kā jalva-e-ma.asūm dekhā hai
'ra.īs' ab tak mirī nazroñ kī hairānī nahīñ jaatī
حیات عشق کی خورشید سامانی نہیں جاتی
مٹا جاتا ہے دل ذروں کی تابانی نہیں جاتی
جو کل تک کھیل سمجھے تھے ہمیں برباد کر دینا
اب ان مغرور نظروں کی پشیمانی نہیں جاتی
ہمیں پر لطف کی بارش ہے لیکن وائے نادانی
ہمیں سے وہ نگاہ لطف پہچانی نہیں جاتی
وطن کیا جرأت اہل جنوں سے ہو گیا خالی
خرد کی قوت تجدید ویرانی نہیں جاتی
بہار آئی کھلے غنچے مگر اے ناظم گلشن
ہمارے آشیاں کی شعلہ سامانی نہیں جاتی
مری صہبا کی عظمت صرف اہل دل سمجھتے ہیں
پئے جاتا ہوں لیکن پاک دامانی نہیں جاتی
یہ کس کافر ادا کا جلوۂ معصوم دیکھا ہے
رئیسؔ اب تک مری نظروں کی حیرانی نہیں جاتی