ये भी मुमकिन है मियाँ आँख भिगोने लग जाऊँ
वो कहे कैसे हो तुम और मैं रोने लग जाऊँ
ऐ मिरी आँख में ठहराए हुए वस्ल के ख़्वाब
में तवातुर से तिरे साथ न सोने लग जाऊँ
मुझ को हर चीज़ मयस्सर है मोहब्बत में सो अब
राएगानी मैं तिरे दाग़ न धोने लग जाऊँ
इतनी ख़ुश-फ़हमी में नुक़सान न हो जाए कहीं
मैं कोई पाई हुई चीज़ न खोने लग जाऊँ
जा-ब-जा बिखरे हुए हैं मिरे ख़्वाब और ख़याल
मैं ये सामान कहीं और न ढोने लग जाऊँ
झील में पाँव उतारे हैं किसी ने 'एजाज़'
क्यों न अब मैं भी यहाँ हाथ डुबोने लग जाऊँ
ye bhī mumkin hai miyāñ aañkh bhigone lag jā.ūñ
vo kahe kaise ho tum aur maiñ rone lag jā.ūñ
ai mirī aañkh meñ Thahrā.e hue vasl ke ḳhvāb
meñ tavātur se tire saath na sone lag jā.ūñ
mujh ko har chiiz mayassar hai mohabbat meñ so ab
rā.egānī maiñ tire daaġh na dhone lag jā.ūñ
itnī ḳhush-fahmī meñ nuqsān na ho jaa.e kahīñ
maiñ koī paa.ī huī chiiz na khone lag jā.ūñ
jā-ba-jā bikhre hue haiñ mire ḳhvāb aur ḳhayāl
maiñ ye sāmān kahīñ aur na Dhone lag jā.ūñ
jhiil meñ paañv utāre haiñ kisī ne 'ejāz'
kyoñ na ab maiñ bhī yahāñ haath Dubone lag jā.ūñ
یہ بھی ممکن ہے میاں آنکھ بھگونے لگ جاؤں
وہ کہے کیسے ہو تم اور میں رونے لگ جاؤں
اے مری آنکھ میں ٹھہرائے ہوئے وصل کے خواب
میں تواتر سے ترے ساتھ نہ سونے لگ جاؤں
مجھ کو ہر چیز میسر ہے محبت میں سو اب
رائیگانی میں ترے داغ نہ دھونے لگ جاؤں
اتنی خوش فہمی میں نقصان نہ ہو جائے کہیں
میں کوئی پائی ہوئی چیز نہ کھونے لگ جاؤں
جا بہ جا بکھرے ہوئے ہیں مرے خواب اور خیال
میں یہ سامان کہیں اور نہ ڈھونے لگ جاؤں
جھیل میں پاؤں اتارے ہیں کسی نے اعجازؔ
کیوں نہ اب میں بھی یہاں ہاتھ ڈبونے لگ جاؤں