अदब से आरी दरिंदा-सिफ़ात लोगों में
मैं बैठता ही नहीं वाहियात लोगों में
नहीं तवील मिरे आश्नाओं की फ़िहरिस्त
मैं जाना जाता हूँ बस पाँच सात लोगों में
ख़ुदा का शुक्र सुख़न राएगाँ नहीं मेरा
सुनी गई है मिरी बात बात लोगों में
मुझे भी छोड़ के जाना है एक रोज़ जहाँ
मिरा शुमार भी है बे-सबात लोगों में
मुझे ख़ुदा पे मुकम्मल यक़ीन है मिरे दोस्त
मैं ढूँढता नहीं राह-ए-नजात लोगों में
ये इश्क़ मैं ने छुपा कर किया था सो इस की
बयान कैसे करूँ मुश्किलात लोगों में
ये क्या बना हूँ मोहब्बत का मैं शजर साहिब
बिखर गया है मिरा पात पात लोगों में
adab se aarī darinda-sifāt logoñ meñ
maiñ baiThtā hī nahīñ vāhiyāt logoñ meñ
nahīñ tavīl mire āshnāoñ kī fihrist
maiñ jaanā jaatā huuñ bas pāñch saat logoñ meñ
ḳhudā kā shukr suḳhan rā.egāñ nahīñ merā
sunī ga.ī hai mirī baat baat logoñ meñ
mujhe bhī chhoḌ ke jaanā hai ek roz jahāñ
mirā shumār bhī hai be-sabāt logoñ meñ
mujhe ḳhudā pe mukammal yaqīn hai mire dost
maiñ DhūñDhtā nahīñ rāh-e-najāt logoñ meñ
ye ishq maiñ ne chhupā kar kiyā thā so is kī
bayān kaise karūñ mushkilāt logoñ meñ
ye kyā banā huuñ mohabbat kā maiñ shajar sāhib
bikhar gayā hai mirā paat paat logoñ meñ
ادب سے عاری درندہ صفات لوگوں میں
میں بیٹھتا ہی نہیں واہیات لوگوں میں
نہیں طویل مرے آشناؤں کی فہرست
میں جانا جاتا ہوں بس پانچ سات لوگوں میں
خدا کا شکر سخن رائیگاں نہیں میرا
سنی گئی ہے مری بات بات لوگوں میں
مجھے بھی چھوڑ کے جانا ہے ایک روز جہاں
مرا شمار بھی ہے بے ثبات لوگوں میں
مجھے خدا پہ مکمل یقین ہے مرے دوست
میں ڈھونڈھتا نہیں راہ نجات لوگوں میں
یہ عشق میں نے چھپا کر کیا تھا سو اس کی
بیان کیسے کروں مشکلات لوگوں میں
یہ کیا بنا ہوں محبت کا میں شجر صاحب
بکھر گیا ہے مرا پات پات لوگوں میں