यहीं था बैठा हुआ दरमियाँ कहाँ गया मैं
कि मिल रहा नहीं अपना निशाँ कहाँ गया मैं
न कर रहा है फुलाँ को फुलाँ ख़बर मेरी
न पूछता है फुलाँ से फुलाँ कहाँ गया मैं
निशान मिलता है हाज़िर में कब गुज़िश्ता का
बता सकेंगे न आइंदगाँ कहाँ गया मैं
सजे हुए हैं पियादा ओ अस्प ओ फ़ील तमाम
बिछी हुई है बिसात-ए-जहाँ कहाँ गया मैं
मैं कब नहीं था अकारत मगर रहा हाज़िर
हुआ हूँ अब के अजब राएगाँ कहाँ गया मैं
जिसे यक़ीन था हर सूद में ख़सारे का
था अपने-आप में शरह-ए-ज़ियाँ कहाँ गया मैं
अगर था पहले ही नाम-ओ-निशाँ मिरा मफ़क़ूद
तो हो के बार-ए-दिगर बे-निशाँ कहाँ गया मैं
न भेजता है कोई नामा-ए-फ़िराक़ मुझे
न ढूँढता है पता ख़त-रसाँ कहाँ गया मैं
जो कर रहा था गुज़िश्ता के वाक़िआत दुरुस्त
सुना रहा था उलट दास्ताँ कहाँ गया मैं
लिया गया हूँ हिरासत में बे-अमानी की
कि बे-अमान था शहर-ए-अमाँ कहाँ गया मैं
उठा के ले गया दारोगा-ए-फ़ना शायद
खुला हुआ है दर-ए-ख़ाक-दाँ कहाँ गया मैं
बुझी नहीं मिरे आतिश-कदे की आग अभी
उठा नहीं है बदन से धुआँ कहाँ गया मैं
नहीं हुआ हूँ मगर इस तरह कभी ग़ाएब
रहा हमेशा निहाँ दर-अयाँ कहाँ गया मैं
yahīñ thā baiThā huā darmiyāñ kahāñ gayā maiñ
ki mil rahā nahīñ apnā nishāñ kahāñ gayā maiñ
na kar rahā hai fulāñ ko fulāñ ḳhabar merī
na pūchhtā hai fulāñ se fulāñ kahāñ gayā maiñ
nishān miltā hai hāzir meñ kab guzishta kā
batā sakeñge na ā.indagāñ kahāñ gayā maiñ
saje hue haiñ piyāda o asp o fiil tamām
bichhī huī hai bisāt-e-jahāñ kahāñ gayā maiñ
maiñ kab nahīñ thā akārat magar rahā hāzir
huā huuñ ab ke ajab rā.egāñ kahāñ gayā maiñ
jise yaqīn thā har suud meñ ḳhasāre kā
thā apne-āp meñ sharh-e-ziyāñ kahāñ gayā maiñ
agar thā pahle hī nām-o-nishāñ mirā mafqūd
to ho ke bār-e-digar be-nishāñ kahāñ gayā maiñ
na bhejtā hai koī nāma-e-firāq mujhe
na DhūñDhtā hai pata ḳhat-rasāñ kahāñ gayā maiñ
jo kar rahā thā guzishta ke vāqi.āt durust
sunā rahā thā ulaT dāstāñ kahāñ gayā maiñ
liyā gayā huuñ hirāsat meñ be-amānī kī
ki be-amān thā shahr-e-amāñ kahāñ gayā maiñ
uThā ke le gayā dāroġha-e-fanā shāyad
khulā huā hai dar-e-ḳhāk-dāñ kahāñ gayā maiñ
bujhī nahīñ mire ātish-kade kī aag abhī
uThā nahīñ hai badan se dhuāñ kahāñ gayā maiñ
nahīñ huā huuñ magar is tarah kabhī ġhā.eb
rahā hamesha nihāñ dar-ayāñ kahāñ gayā maiñ
یہیں تھا بیٹھا ہوا درمیاں کہاں گیا میں
کہ مل رہا نہیں اپنا نشاں کہاں گیا میں
نہ کر رہا ہے فلاں کو فلاں خبر میری
نہ پوچھتا ہے فلاں سے فلاں کہاں گیا میں
نشان ملتا ہے حاضر میں کب گزشتہ کا
بتا سکیں گے نہ آئندگاں کہاں گیا میں
سجے ہوئے ہیں پیادہ و اسپ و فیل تمام
بچھی ہوئی ہے بساط جہاں کہاں گیا میں
میں کب نہیں تھا اکارت مگر رہا حاضر
ہوا ہوں اب کے عجب رائیگاں کہاں گیا میں
جسے یقین تھا ہر سود میں خسارے کا
تھا اپنے آپ میں شرح زیاں کہاں گیا میں
اگر تھا پہلے ہی نام و نشاں مرا مفقود
تو ہو کے بار دگر بے نشاں کہاں گیا میں
نہ بھیجتا ہے کوئی نامۂ فراق مجھے
نہ ڈھونڈھتا ہے پتہ خط رساں کہاں گیا میں
جو کر رہا تھا گزشتہ کے واقعات درست
سنا رہا تھا الٹ داستاں کہاں گیا میں
لیا گیا ہوں حراست میں بے امانی کی
کہ بے امان تھا شہر اماں کہاں گیا میں
اٹھا کے لے گیا داروغۂ فنا شاید
کھلا ہوا ہے در خاکداں کہاں گیا میں
بجھی نہیں مرے آتش کدے کی آگ ابھی
اٹھا نہیں ہے بدن سے دھواں کہاں گیا میں
نہیں ہوا ہوں مگر اس طرح کبھی غائب
رہا ہمیشہ نہاں در عیاں کہاں گیا میں